Thihnak Thawngpang: Kan Dawtmi Pu Kepling Khengmual (Chumling Pa) Ruak Thlahnak (+Video)

Kan dawt i kan sian lomi Pu Kepling Khengmual (Chumling pa) a hnubik upat peknak le ruak thlahnak program kong ah, tianzan ah kan rak thanh cang nain a caan aa thleng deuhmi a um ca ah, thawngthanhnak kan hun tuah tthan. Progrom detail zong PDF file in kan hun thil chih. Pu Kepling Khengmual cu takpum damlonak (thluak cancer stage 4) in kum hnih chung a kuah hnu ah, May 26, 2020 (Tuesday) chun hnu 12:58pm ah an ruun-inn chung te ah a dawtbikmi hna a nupi le fale ttang cung te ah a thaw a dih hi a si. A ruak thlahnak program cu a tangeli ning in a si lai.

Ruak thlah Ni: May 30, 2020 (Saturday)

Ruak zoh caan: 9:00am – 10:30am

Pumh caan: 10:30am – 12:30pm

Thlan hmun caanhman: 12:30pm – 1:30pm (Round-hill Cemetery)

A ruak cu ICBC Biakinn chung (Hallway) ah chiah a si lai i, a hnubik a ruak upat pek le thlah a sia herhmi poh nih (suimilam pakhat le cheu chung) rak zoh khawh a si lai. Cu hnu ah, chungkhar, cingla rualchan, le khrihfabu hruaitu upa hna (a dihlak ah minung zakhat hrawng) nih biakinn chung ah pumhpi a si lai. Pumhnak program cu live in thlah a si lai ca ah zapi cu mahle inn cio in a ruak rak humh khawh a si lai. ICBC Facebook in thlah a si te lai.

Chumling pa cu a nun chung ah khrihfabu, community, le CBCUSA ca ah pumpek in rian a rak tuantu a si bantuk in, lamnai lamhla in dawtu tampi i nan kan ngaihchiatpinak le hramhnak nih innchungkhar le khrihfabu a kan hnemh ngaingai. Bawipa nih thluachuahnak in pe cio ko hna seh.  Video

Ngaihchiatpi buin,

Lal Cung Awi

Church Pastor

Indiana Chin Baptist Church

Indianapolis, Indiana