President Trump Nih First Quarter A Hlawn Vialte Covid-19 Dohnak Ah Pek Dih A Timh

President Donald Trump cu American President an thim in tuchunni tiang hlawh a hmuhmi vialte pakhat hmanh amah caan a hmang bal lo an ram chung a herhnak hmun paoh hman awk ah a pek zungzal hna. Trump nih a chimmi cu ka hlawh la lo in ka nung kho mah caah cun ka hlawh dingmi phaisa paoh cu thildang aherhnak ah hmanter tawn hna.

Tutan zawng ah President Trump nihcun a hlawhmi cu tulio kan vawleicung akan buaiter dihtu Covid-19 dohnak caah pek dih a timh tiah theih asi. Mah kong cu Press Secretary Kayleigh McEnany nihcun Trump nih Annual salary $400000 ahmuhmi chung in $100000 cu U.S Department of Health & Human Services hna nih cun Covid-19 dohnak caah a donate lai tiah White House press briefing nakah a chim.

 

 

 

 

 

 

 

 

 

 

 

Hi bantuk thawngpang arak than hlan deuh ah President Trump nih biakinn i pumh nak kongkau ah biakinn awn a duhnak kong Governor hna sin ah nawl apek tlawmpal ah hi bantuk thawngpang hi langhter a si. March thla ah khan press secretary Stephanie Grisham nih President Trump nih 2019 kum chung a hlawh dingmi phaisa cu HHS caah donate arak pek cang tiah theih a si.

Mah lawng hmanh silo in President Donald Trump nihcun 2019 a hlawh mi phaisa cu Department of Homeland Security & the U.S Office Surgeon General caah a rak donate tthan cang tiah theih a si. President Trump bantuk i vawleicung rampi pakhat President a tuantu hna lak ah hmuh awk an um bak lo ti u sihlaw kan palh lem lai lo dah! A thil tuahmi zoh lengmang tik ah a ral tampi an um ko nain tu kum thimnak zawng ah tlin dawh thiam a si.