Bank Phaisa Fir Ruang Ah Thong An Thlakmi Pa Cu A Ni 3 Nak Ah Hri Awh Nak In A Nunnak A Liam

Thailandram Chin Sang Pyine district Thailand Bank pakhat a roktu minung pahnih hna cu Thailand Palik nih an tlaih hna i thong ah an thlak hna. Mah minung pahnih hna nihcun May 18 ah khan Chin Zang myo ah a um mi bank pakhat cu chunlai bak ah anrak luhhnawh hna.

Bank roktu minung pahnih hna cu kum 34 mi “Si Ti Cheih Miruma” an timi pa pakhat cu amah tein palik sakhan ah va kal in a vai up. Mah hi pa cu Chin Sang khua ah cinthlak lei ah cozah rianttuantu pakhat arak si tiah theih asi. Hi bantuk rian arak tuannak ahcun phaisa tampi leiba arak ngeih caah cu aleiban chamnak ding caah tiin a pu pa he bank an rok hi asi.

Bank an rokmi phaisa dihlak cu Thailand phaisa in 1.05 million a si tiah theih a si. A pu kum 48 “Chuan Zung Khun Ham” an timi cu May 21 ah khan thong chung ah hri awk nak in a nunnak aliam tiah theih a si. Palik nih aruak cu sizung ah an kalpi cawlh i zei bantuk thi mi dah a si tihmi hlathlainak an tuah cuahmah lio a si.

Vawleicung ah hin Bank rok tihmi hi theih awk an um pah lengmang ko nain hlawhtling ngai ngai theih awk an um bak lo. Caan rau teah an nunnak a liam tthan lengmang tawn. Zeitluk in dah ningcanglo in phaisa tawnghtham hi ttih a rak nun tihmi a vun fianter ngai. Phaisa hi vawleicung kan nung chun ahcun minung kan caah a biapi taktak an si.

Phaisa cu minung kan nunnak pakhat a si caah vawleicung minung mizei poah nih kan kawl dih cio mi an si. Minung kan nunak caah abip bantuk in ningcang lo i kan hman sual ahcun minung kan nunnak caah ttihnung taktak mi a si ve fawn. Phaisa nih zeitluk in dah thil a ti khawh ti ahcun minung tampi cu unau le nau karlak tiang in lainawnnak achuahter kho tu phaisa a si.