A Thih Tiang Bak A Hawile Minung Pali Nih Tlaihhrem A Tawngmi Nu

Kan vawleicung thawngpang ngai hi aw a chia chin lengmang ruah ah lawngdong ngai ngai kan si cang. Hi tluk coronavirus ruang ah vawleipi lungrethei i a um lio ah thawngpang dang chiakha taktak theih awk arak um lengmang. Kum 17 nungak tleirawl Bolivia ram mi cu a hawile minung pali bak nih an tlaihhrem i anunnak aliam tiah theih a si.

Tlaihhrem a atwngmi nungak nute min cu Jhoselin Monica Calani a si tiah The Sun nih  alanghter. Oruro myo ah a hawilei minung pali hna he zudawr ah zu anding hna i lungfim lo tiang in an dinter hnu ah khin a hawile minung pali hna nihcun zohchia taktak in an tlaihhrem.

Zohchia taktak in an tlaihhrem caah Monica cu zeihmanh thei lo in aum caah sizung ah thlikpi asi. Sizung ah nihnih an thlopbul hnu ah anrak tlaihhrem nak ah hliamhma fak tuk arak in ruang ah a nunnak aliam tiah theih asi. Hi thil cangmi hi kan hnung kum ah arak cangmi a si ko nain tu kum tiang in an case a thiang kho rihlo.

Monica cu zu an dinnak inn chung ah duhtawk anrak tlaihhrem hnu ah amah lawng in inn-chung ahcun an chiah i an kal tak. Atlaihhremtu minung hna cu ahawikom tha taktak mi lawng te an si hna tiah theih a si. A hawile hna cu kum 16, 17, 18 minung lawngte an si hna i palik nih arauh hlan ah an dihlak tein an tlaih cawlh hna.

Monica tlaihhremtu minung pali hna cu Bolivia biacaih zung nih bia an caih piak hna hnu ah kum 30 thongtla ding in biakhiahnak tuah piak an si. Kan vawleicung ngai hi aw khuaruahhar chin lengmang ko, hawikomh ttha kan timi hna hmanh khi  kan caah ral ttihnung tampi anrak um kho timi a fianter ngai ngai.