Song Hye Kyo Cu A Vapa Song Joong Ki He An Ni Tthen Hnu Caan Zeimaw Zah Hnuah Daling Thar A Ngei Ve Tthan

Kan kawl ram le laitlang khuate nungak tlangval patung tiang in thihhnawh an rak timhmi Korea minta, mintami lak ah minthang cem a si mi cu Song Joo Ki le Song Hye kyo an si. Mah hna nuva cu a luancia mi 2017 october 31 ah khan sunglawi taktak in tthitumhank puai an rak tuah.

Soong Hye Kyo hi Korea minthang hna lak ah mi pakhat a sii, November 22, 1981 kum ah arak chuak mi asi. Tuah hin kum 38 a hmang cuahmah mi nu a si. A Vapa Song Joong Ki he anni tthen hnu ah caan zeimaw zah chung mipi hmai tiang lang duhlo in a rak um.

Song Hye Kyo cu avapa Song Joong Ki he anni tthen hnu caan zeimaw zah hnu ah a daling hlun Hyun Bin he anni ttuai tthan timi thawngpang cu Korea Online cung ah a khat dih. Mah hna pahnih cu 2008 kum lio ah khan The World That They Live In timi zatka ah tazuksawng hmunkhat ah anrak ttuanti bal.

Mah lio ahcun mah hna pahnih cu anni rem tuk caah Hallyu celebrities ti tiang in auh arak tawngmi sungttuai anrak si. 2008 kum thawk in anni duh i kum 4 chung anni ttuai hnu ah an rian ruangah hmunkhat caan hmannak caan an ngeih khawh tilo caah i duh ngai buin anrak i tthen.

2011 kum ah khan theihpinak tein arak i tthen mi an si caah mipi sin tiang theihternak anrak tuah. Mah hnu in cun Hyun Bin daling zawng ngei lem tilo in a caan cu a hmang lengmang. Mah hnu in cun caan zeimaw zah ahung kal hnu in Song Joong Ki he tthitumhnak an tuah.

Hman sehlaw cu kan theih dih cio bang in Korea minta/ mintami pawl hna cu zeitluk aiduh kan timi hna zawng saupi aiduhmi le aa tthium kho mi an um lo bantuk in Song Hye Kyo le Song Joong Ki hna cu anni tthen ve tthan.

Mah hnu ah cun Song Joong Ki hi a mui hmuh ding a um tuk ballo nain a tutan ah ruhlo pi in nungak he an hmaanthlaak thar an vun hmuh hna tik ah ceihhmai an tong ngaingai tiah theih a si. Song Joong Ki le Song Hye Ku hi a luan cia mi kum 2017 Oct 31 ah khan an rak i um nain. A tu kum 2019 July 21 ah khan an i then tthan.

Nai teah Soong Hye Kyo cu IG ah ahmanthlak thar hna arak tar langh tthan. Mah ahmanthlak hna cu Brand Suecomma Bonnie caah aa thlakmi an si. mah lawng hmanh silo in Soong Hye Kyo nihcun daling thar angeih nak kongcu Korea ram Online cung ah ahung thang than.