Thihnak Thawngpang: Nungak Lalruatdiki A Nunnak A Liam Ruangmang

Kan vawleicung thanwgapang ngai hi aw ttihung chin lengmang ko, nikhat hnu nikhat in thawngpang tha hrimhrim theih awk le hmuh awk an um kho ti lo. Covid-19 zawtnak i kan luat khawhnak ding ah tiin innchung ah kan ni erhkanh lio caan hna i thihnak vun tawn ko cu apawi ti hlei khin chim awk a um ti lo.

Hlasak thiam Nungak Lalruatdiki (K-28) D/o R. Lalhmangaihi, Muka Section, Mission Sang Branch YMA cu tuzan suimilam 10:30pm khan Synod Hospital, Durtlangah anunnak aliam ruangmang. Ahmanthlak zoh ah khin duh nun si ling lio caan te a si caah nule pa caah cun afak taktak khi a si.

Hlasak thiam Nungak Lalruatdiki Chhangte cu Mizoram mipi nih an uar tatak mi le thazang an pek taktak mi nu a si. Caan saupi damlo ruang ah sizung ah an ni thlopbul hnu ah May 22.2020 tuzan suimilam 10:00pm ah khan a dawtmi a chungkhar hna le amiphun hawi hna cu hi vawlei harnak chung in akaltak ruangmang hna.

Covid-19 zawtnak lak in kan luat khawhnak ding ah tiin leng hmanh chuak ngam lo in innchung cio ah erhkanh dih a si konain thihnak kan timi hi cu mizei hmanh nih hrial khawh arak si lo. Hawi dawt coronavirus lak in cun kan luat zong a si kho men, hmanh sehlaw zeitik caan paoh ah kan nunnak a liam kho ti kha philh hrim hrim hlah.

Caan ttha kan ngeih lio teah hin chungkhar, khrihfabu, innpa chakthlang i dawt ko hna u sih. Caan ttha nih akan liam tak sual lai. Covid-19 zawtnak pulrai um lio a si caah Nungak Lalruatdiki ruak thutpi nak ah hruaitu te lawng kal khawh asi caah commitee member hna nih an sang chung um mipi hna sin ah ngaihthiam an hal hna.

Nungak Lalruatdiki hlsaknak Video