Pakistan Khuatlawng Phurtu Vanlawng A Tla Mi 100 Leng An Thi (+Video)

Pakistanram chung khualtlawng phurtu Vanlawng cu Lahu Myo in Karachi myo ah a zuangmi cu accidentnak a tawng in a tla tiah theih a si. Tuni May 22 ah (Pakistan International Airline-PIA) PK-8303 Vanlawng cu Karachi Vanlawnh bual in ai a zuangmi cu atla tiah theih a si.

Accident a tawnnak hmun hi Karachi khuapi Jinnah International Airport in meng 1 lawng aihlatnak ah a tla. Karachi khuapi chung Waseem Akhtar nih a chim ning ahcun mah Vanlawng chung aicitmi an zapi tein an nunnak aliam dih tiah a chim.

Pakistan Media hna nihcun Vanlawng ahmai lei ah a tthu mi minung pathum an thi lo tiah an chim. Thihnak in a lautmi minung pathum hna bank manager pakhat le ka dang in khualtlawng mi an si tiah an chim. Vanlawng tla mi nih pawngkam ummi minung hna cu zei hmanh fahnak a pe hna lo tiah an chim.

PIA lei biachimtu nih anchim ning ahcun Vanlawng Caccdet ruang vawlei ah a tlaknak a ruang a si.Goe News nih an ttial ning ahcun Karachi Airport ahcun Vanlawng tumnak ding ah ready timhcia tein a um ko tiah an chim. PK-8303 Valawng Accident kawngkau he pehtla inn zei hmanh a a khawl a thatlo nak hrim a um lio theih a si.

Hitluk Covid-19 pulrai ruang ah lungrethei i kan um lio ah hi bantuk Vanlawng accident hna vun tawn i minung zakhat leng bak nih an zoh manh cang.Pakistan ah khin 2010 kum lio ah khan Airblue Vanlawng pakhat cu arak tla i minung 157 an dihlak tein an thi. Hi vanlawng accident an tawn mi hi cu Vanlawng accident an tawnmi vialte lak ah  afak bik a si.

Video