Philippine President Duterte Thah A Timtu Minung 3 Tlaih An Si

Philippine ram cu Covid-19 zawtnak ruang ah an President Duterte nih an ram mipi zawtnak in an luat khawhnak ding caah biatak tein sikan a vun ciat caah palik hna kut ah nawl ngeihnak vialte apek dih ruang ah duhlo in Duterte thahnak khuakhangtu minung panga hna cu palik nih an tlaih hna.

May 11 ah khan Philippine nitlaklei kam Sibu tihmi ah kum 26 mi Mariasiyun timi pa nih president Duterte athat khotu paoh cu philippine ting 75 ka pek hna lai tiah aral ttial ruang ah palik nih anrak tlaih. May 19 ah khan min langhter lo mi mino pakhat nih a facebook cahmai ah Duterte that khotu minung paoh cu ting 200 ka pek lai tiah arak chim ve.

Nan that khawh ahcun aluu ka sin ah nan rak put lai tiah a chimtu pa cu palik nih an tlaih fawn. Upadi lei ah tuanvo latu hna nihcun hi bantuk minung an tlaihmi hna hi phungning lo bak a si tiah an chim. 1987 kum upadi lei he pehtlai in sihni a ttuan mi Christian Monsock an tihmi nih cun Philippine Media pakhat a si mi Philippine Daily Inquier sin ah an tlaih hna ning cu phung ninglo a si tiah a chim ve.

 

 

 

 

 

 

 

 

 

 

 

 

 

 

President a himnak ding kong he pehtlai in biachim kho tu pakhat nih achimmi cu hi bantuk President caah ttihnung dirhmun tiang chuahtu hna minung paoh cu mi zei hmanh an luat lai lo tiah Abante TNT thawngzamh sin a chim. Hi bantuk thawngpang he pehtlai in online cung ah a posttu hna cu Abu Sayyaf phu hna he pehtlaihnak a ngei mi an si tiah theih a si.

Philippine President Duterte caah cun thinphan dai lo taktak khi a si cang. A thil tuahmi ruang ah minung tampi ral angei cang tihmi cu tutan thil cangmi nih a fianter ngai ngai. Vawleicung ram khat ah President hna khi nun nuam emem in an um rua tiah ruah hna a fawi te, arak si nenman lo zeitik caan paoh ah khin an nunnak a liam kho peng dirhmun a um mi an si.