R.I.P: Nungak Lalnunfel Kum 20 Mi Cu Ti Ah A Paam

Kan vawleicung thanwgapang ngai hi aw nikhat hnu nikhat in thawngpang tha theih awk le hmuh awk an um kho ti lo. Covid-19 zawtnak i kan luat khawhnak ding ah tiin innchung ah kan ni erhkanh lio caan hna i thihnak vun tawn ko cu apawi ti hlei khin chim awk a um ti lo.

May 18.5.2020: Tuni ah pu Lalrindika, Section II um mi fanu nungak Lalnunfeli kum 20 cu tuni suimilam 5:00pm ah khan ti ah apaam tiah theih asi. Nungak Lalnunfeli ruak cu tuzan zan anvarpi hnu ah thaizing suimilam 10:am ah khatla thlanmual, NCC ah a ruak vui a si lai tiah theih asi.

Nungak Lalnunfeli hi Govt. Aizawl Collage ah B.A (English core) cawng lio mi asi. Zeiruang ko ah hme muidawh le cathiam paoh hi ruahlopi ah an thih lengmang ngha ti hna khi ruah awk ngai asi. Hi bantuk mifel le muidawh hna achan siling lio bak i nunnak vun liam ruangmang ko cu a pam taktak khi a si.

Tulio cu kan theih dih cio bangin Covid-19 zawtnak ruang ah nungak Lalnunfeli ruak tthutpi nak ah akal ding minung hna cu YMA hruaitu le an chungkhat kal lo awk a ttha bak lo mi lawng lawng kal a si lai tiah theih asi. Chungkhat sahlawh cingla rualchan hna hmanh nih tthutpi khawh zawng a si ti lo apawi taktak khi a si.

Covid-19 zawtnak um lio a si caah ruak thutpi nak inn ah kal dingmi poah nih mask i vuah dih ding a si lai tiah theih a si. Covid-19 zawtnak lak in kan luat kho ngha maw tiah lungrethei i um lio ah hi bantuk thihnak thanwgpang vun theih ko cu a pawi taktak khi a si. Thihnak kan timi hi cu mizei hmanh nih hrial khawh arak si lo. Hawi dawt coronavirus lak in cun kan luat zong a si kho men hmanh sehlaw zeitik caan poah ah kan nunnak a liam kho ti kha philh hrim hrim hlah.

Caan ttha kan ngeih lio teah hin chungkhar, khrihfabu, innpa chakthlang i dawt ko hna u sih. Hmai lei ah ka tuahte lai ti hna hlah u sih caan ttha nih akan liam tak sual lai. Kan thih hnu te hna i kan dawt tuk kan ti mi nile caan kan phanh sual nak ngha lo caan ttha kan ngeihmi te hi hman zia thiam kho hna u sih. Covid-19 zawtnak ruangah dawtmi fanu, fapa le nih thihtak zawngah ruak tthutpitu hmanh ngeih khawh a si ti lo.