Tlangval Kum 67 Upa Mi Cu Truck Motor Nih A Pah I A Nunnak A Liam

Tlangval kum 67 vun tih cu zumh lo a fawi ngai mi thil pakhat a si. Si nain a hmang taktak mi nupi vawikhat te hmanh a ngei bal lo mi a si. May 8.2020 tuni ah khan Kala Truck Motor 709 nih a pah anunnak a liam thiah theih asi.

A min cu (Taia) kum 67 tiah an auhmi a sii, Thingsulthliah khua mi a si. Thingsulthliah YMA President nih achim ning ahcun Tv. Taia hi tlawmpal mi tlam tling lo deuh mi a si tiah a chim. Tv. Taia hi a hna a chet deuh caah thawngpang a thei kho setsai lo mi a si.

Hringtu a pa nih a thihtak cang hna i a nu mitlamtling pah lo mi hna he khuasa mi an si. Mah hna chungkhar cu Thingsulthliah YMA nih VIP ah an i ngei mi hna chungkhar an si. Bagha miphun Truck Motor mawnghtu pa nih Tv. Taia cu apah sual caah a ke ruha man dih cikcek tiah an chim.

Ahliamhma a fahtuk caah Aizawl sizung lei ah an tlikpi cawlh i, Aizawl Civil Hospital an phanh hnu, tuni may 8 suimilam 6:30pm ah khan anunnak aliam tiah theih a si. Tv. Taia ruak cu YMA tu hna le VLTF hruaitu nih zanvarpi hnuah thaizing suimilam 11:00am ah an vui te lai.

Tv. Taia pahtu Truck Motor driver le mawtaw ngeitu hna cu hi accident an tawngmi kawng kau ah chawnh biaknak an ngeih cuahmah lio asi. Hi tluk covid-19 zawtnak nih lungrethei i akan tuah lio ah accidentnak ruang i nunnak rak liam than ko cu a pawi taktak khi a si.