Kenya Nu Pakhat Cu Afale Caah Rawl Chumh Ding An Ngeih Lo Caah Lumtum A Chumh Piak Hna

Kenya ram ah nu pakhat cu Lockdown ruangah eiawk an ngei ti lo i a fale hna ngamnak caah tiin Lungtum achumh piak hna. Mah hi min cu, Penniah Bahati Kitsao tiah an auhmi a sii, Kenya khuapi MomBasa ah khuasa mi an si. Kan hnung kum ah khan avapa cu misual nih anrak thah piak i a fale minung 8 he khuasa in an um.

Mah hna chungkhar cu inn khan room hnih lawng an luah i, an umnak inn cu a chia taktak mi khi a si. Mah lawng hmanh silo in ti connection le electrict zawng a umlo nak a si. Covid-19 ruang ah an ram cu Lockdown an tuah caah eiawk ngei lo in an um caah ti awk thei lo in afale hna ngam nak ah tiin lungtum a chumh piak hna.

Nghakchia ttap thawng cu an innpa nu Prisca Momanyi nihcun zeiko dah an tawn tiah hlathlai ding in ava kal cu an rawlbel ah lungtum arak chumh len mi cu a va hmuh hi a si. Mah cu nu nihcun a rannak in mah hna nuva rual hna cun khua akhan piak cawlh hna tiah theih a si.

 

 

 

 

 

 

 

 

 

 

 

Kenya cozah nihcun World Bank tang in lockdown chung an ram mipi caah tiin phaisa tampi bomhnak an dong ko nain an ram mipi kutcung pakhat hmanh a phan lo. Mah ruang ahcun mah hna nu fa rual zawng eiawk ngei lo in an um nak a si. Mah kawng kau cu an innpa nu cu cozah sin ah a chim i Kenya Red Cross anrak lang cawlh.

Mah hna nufa rual cu cozah lei nih bomhnak pek an timh i amah nih bank a ngeih lo caah an innpa nu nih cun a bank ah a thunter hna i mah ti cun alak piak hna. Kenya ram khi ram sifak taktak an si hlei ah an khuatlang nungphung ningcang lo taktak in aitthi hruai mi miphun an si. Mah caah cun an ram chung mipi a tam u cu dinei kongkau ah harsa taktak in an um nak a si.

 

 

 

 

 

 

 

 

 

 

 

 

 

 

Kum 2006 lio ah khan UNICEF lei nihcun tipi kap ah a ummi Kenya miphun cheukhat Malindi, Mombasa, Kilifi le Diani hrawnghrang ah nu nghakchia 30% tluk hrawng nih hlawhhlang rian an ttuan tiah an theih hna. Hi bantuk dirhmun tiang an phanh nak a ruang cu an ram cozah nih World Bank phaisa bomhnak an hmuhmi vialte an rak ei dih tawn ruangah a si.

Kenya ram ah khin tulio zawtnak Covid-19 zawtnak a ngei mi minung 411 an um ve cang tiah theih a si. Mah caah cun sii le ai an ngeih tthatlo ruangah a rannak in Lockdown an kalpi cawlhnak a si. Mah caahcun caan raulo te chung ah hi dirhmun tiang an phanh hi asi. Nangmah le keimah zawng hi Lockdown chung ah hin kan innpa hna eiawk an ngei maw ngei lo tihmi lungfim aka chimtu ah cang hram ko seh.