Adaling pa nih a tthen ruangah lungfak in Bamiton (Mitku sii) tlang 70 a din i a thi

Kan vawleicung thawngpang ngai hi thawngpang ttha hrimhrim theih awk a um kho ti lo. Facebook vun kau bak ah khin hmuh hmaisat cem mi cu accident, lainawn, tlaihhrem, zawtnak ruangah a thi mi tihmi thanwgpang lawng tein a khat dih cang.

Vawwleicung ahhin nungak tlangval ai duhmi tampi an um lio ah cheukhat pa cu nungak kha nupi caah duh lem theng lo in nuamhnak ca lawng ah a hmangtu tampi an rak um ve. Mah bantuk pa ruang ah khin nu tampi cu lungrawk in anmah le mah nunnak ai lai mi theih awk an um lengmang tawn.

Kachin ram ah tanghra kai lio mi nu le tanghra kai lio mi pa cu an i uar. Mah ticun caansaupi nuam ngai i an um lio hnu ah khin a dalingpa nih nungak dang daling a ngeih tak ruang ah a daling nu cu a then. Mah ruangah a daling nu lungfak in Bamiton(Mitku Sii) tlang 70 bak vawikhat ah a din adaling pa umnak Boda saung hmai bah a thi.

Mah Kachin hna sungtuai hi an min an langhter chihlo caah ka langhter khawh lo nak a si. Mah bantuk thil hi vawleicung ram kip ah a cang lengmang tawn mi a si. Minung ah hin kan i khat cio lo, cheukhat cu dawtnak lei ah fak taktak in lungthin ape mi an um lio ah cheukhat cu nuamhnak men ah hman ai timmi tampi an rak um ve tawn.

Mah bantuk minung lungrek ngei lo ruangah khin mi fanu dawt tampi cu lungrawk in mah le mah nunnak tiang aila mi an tampi tawnnak a si. Mah hna nungak a thil tawn hi April 27 ah khan a si tiah an langhter. Covid-19 ruangah hi tluk lungrethei i kan um lio ah mah bantuk thil hna tuah duhtu rak um ve ko cu a pawi taktak khi asi.