Obama le An Pastor Rev. Jeremiah Wright Kong

Victor Khen Sang Nih Obama le an pastor Rev.Jeremiah Wright kong a tialmi hi rel cio tuah ulaw, an pastor pa nih a thluak a rak tawlmi a lo, siaherhnak he. President Barrack Obama hi a hngakchiat tein Chicago ah a ummi Trinity United Church of Christ (TUCC) ah member a si i, 2008 hnu in ai pum duh ti lo ti a si. Aruang cu a hngakchiat tein apa bantuk in a tihzah i tipil zong apetu, nupi angeih lio zong ah leh athah tu le afanu le pahnih zong tipil apetu,

Rev. Jeremiah Wright nih America hi minak akan hremtu, minak chiahnak ah thonginn phunphun asatu ram an si caah “Pathian Nih Thluahchuah Pe Seh – God Bless America” ti hi kan chim awk asi lo, Pathian nih dantat seh “God Damn America” kan ti awk asi tiah achim hnu in Obama nih mah nakcun kum saupi arak i pumhnak nak Khrifa buu kha i pum ti loin akal tak ti asi.

United States Of America (USA) cu vulei cung ah Chin miphun tamcem akan latu ram an si lawng siloin Chin miphun Khrifa ah akan luh pitu ram zong an si caah Chin miphun le US kong hi cu lu le pum bantuk in țhen awk țha loin ai peh mi kan si caah an kong hi theih ahau mi atamtuk hringhran. Cu theih ahau tampi lakah Khrifa kan si bantuk in anmah ram hruaitu Presidents pawl hi teh zei bantuk Khrifa dah an rak si cio ti zong theih kan duh cio lai dah tiah zumhnak ka ngei.

 

 

 

 

 

 

Nihin cu Coronavirus kong nih kan thluak akan buaituk i adang pi US Presidents pawl biaknak kong ah vun i țhial chung ko ne hna usih. USA hi 1776 in ahmasabik President ațuantu George Washington in nihin ni President atuan lio mi Donald J Trump tiang ah hin president voi 45 an i thleng ve cang. Nihin tiang US president vialte ah hin cheuhnih-cheukhat tluk deng cu Episcopal le Presbyterian biaknak an si tiah Pew Research Centre nih an tialmi hmuh khawh asi.

Hi president 45 chung ah hin an biaknak ah Khrifa asi lomi cu an um lo nain buu (Denomination) theng atlai lomi cu an rak um len ve. Abraham Lincoln hmanh kha Baptist chungkhar in achuak mi asinain Baibal zong arel tuk fawn ko bu ah amah tu cu fek tein adirnak buu cu arak um lo tiah an tialmi tampi hmuh asi. 1963 US president ațuan lio ah an rak thah mi John F Kennedy lawng kha Catholic asi i adang vialte chung ah Baptist asimi cu 4 lawng an si.

US president pawl ah lakah atamcem cu Episcopal biaknak an si i achang ah Presbyterian biaknak pawl an si. Donald Trump zong hi Presbyterian asi. Chin miphun tambik cu Baptist kan si i kanmah bantuk Baptist bak asi mi cu chan thar deuh ahcun President William Jefferson Clinton le Jimmy Carter kha an si. Jimmy Carter tu cu Southern Baptist church an zumhning le amah zumhning kha ( Nu le pa kan dirhmun tthennak – Gender Equality) arak i kalh caah 2000 lio ah khan Southern Baptist in ka chuak cang tiah arak thanh.

Donald Trump hi ano lio ahcun Presbyterian Church (New York) ah arak i pum tawn mi asi nain upat hnu ah biakinn aphan tuk ve ti lo ti asi. Mirang reng reng hi an kum tlin hlan ah biakinn an phan i kum tlin in an tar (pension) tiang an phan tuk ti lo, an hung tar hnu khin biakinn an phan țhan deuh hna. Cun Trump cu Obama he hin pumpak hrim in an i rem kho lo, Obama nih Donald Trump cu 2012 lio ah “small business” ati balmi hrim kha CNN hmanh nih zeitin dah ati khawh hnga an rak ti bal cang.

 

 

 

 

 

Donald Trump cu innsak, inn zuar tuahtu – Real Estate Developer asi i billionaire pakhat asi tikah sipuazi fate tuahtu(small business) cu asi lo ti afiang mi asi. An i rem lo tuk caah khin an i ti hram nak arak si deuh ko rua. Trump cu mirum taktak asi. The Art of The Deal timi cauk min thang tak arak țialtu zong asi. Cun Obama hi ahringtu apa cu Kenya mi asi i ahringtu anu cu Ann Dunham timi Mirang asi. Anu hi Indonesia ah va dang angeih caah anu hringtu ( apulepi) nih an cawm cem mi asi. Apa cu Muslim asi caah amin tling te ahcun Barrack Hussein Obama ti asi.

President Barrack Obama hi ahngak chiat tein Chicago ah aummi Trinity United Church of Christ (TUCC) ah member asi i 2008 hnu in khan cun ai pum ti lo ti asi. Aruang cu ahngak chiat tein apa bantuk in atihzah i tipil zong apetu, nupi angeih lio zong ah leh athah tu le afanu le pahnih zong tipil apetu Rev. Jeremiah Wright nih America hi minak akan hremtu, minak chiahnak ah thonginn phunphun asatu ram an si caah “Pathian Nih Thluahchuah Pe Seh – God Bless America” ti hi kan chim awk asi lo, Pathian nih dantat seh “God Damn America” kan ti awk asi tiah achim hnu in Obama nih mah nakcun kum saupi arak i pumhnak nak Khrifa buu kha i pum ti loin akal tak ti asi.

 

 

 

 

 

 

 

 

 

 

 

Laimi nih Obama kan rem lonak aruang cem cu nulenu/palepa țhitumhnak apom mi asi timi le Khrifa sinak hi zei arel lomi asi caah Christmas hna Holiday season ti sawh in achimtu asi ti hi atlangpi cu asi. Obama hi Khrifa asi ko nain politic ahcun an i tlaihtleng (Policy) aum dih. Obama hi Liberalism sawh sawh siloin Liberalism nak hmanh ah Liberal tuk lehpek lengchuak deuh rih mi khi asi.

Canada ahcun NDP kan ti hna i New Democrat party timi tlaihpeng ai tlaih mi asi. Biaknak nak in minung covo (Human Rights) kha biapi deuh ah achia mi alawhnak tamtuk aum caah Khrifa biaknak (Protestant tambik) hecun azumh ning hi akalh ngai in alanghnak asi. Abikin Baptist (Tipil Khrifa buu (or) Thumhkomh Zummi Khrifa) hecun athil tuah hi akalhnak in an hmuh caah Mirang pastor tampi zong nih an duh lonak khi asi. Asinain Khrifa asimi dang tampi nih thimfung an pek țhiamțhiam ko.

Republican le Democrat Umtuning:

US politics ah hin Democrat le Republican ti hi kan theih cem hna. Democrat timi cu Israel, Britain le Europe ram tampi ahcun Labour Party ti in an auh hna, cun ram cheukhat Canada ti bantuk ahcun Liberal Party ti in kan auh hna. Republican timi cu ram tampi ahcun Conservative Party ti si lo le Tory ti zong in auh an si ve. Israel ahcun Republican Party he an dirning ai khat mi cu Likud Party khi an si. Republican timi cu thil hlun sining tlaih (Conserve) deuh in kal aduh mi an si, Lai holh cun Lai phung bak in dir ding ti phun khi an si.

Mirang sicun Mirang phung bak i tlaih ding, Asia sicun Asia phung bak tlai ve ko seh ti khi asi hnga. Democrat cu thil sining hoih in kal ding, chan thar ai thlen ning in i thlen peng ve ding ti deuh khi (New Ideas apom mi) an kalning asi. Democrat nihcun Mirang /minak/misen ti um lo, hmun khat ah khuasak dih ding ti khi an pomning asi. Cucaah Democrat ruahning incun chan hlun kha philh/ asi lo le kaltak afawi deuh i Republican ruahning incun chan hlun kha ven, rak sining kha ven le mah le ram timi kha hmasabik chiah deuh (Nationalism) kha asi ve.

Tu kum Democrat party in president ai cuh ding mi Joseph Biden hi Catholic asi i atlin ahcun amah le John F Kennedy lawng hi Catholic in president atling balmi an si te lai. Dr. Micheal Brown (Ph. D in Languages and Literature – New York University ) nihcun Joe Biden president atlin ahcun 2012 lio ah fiang tein arak chim bantuk in nulenu/palepa țhitumhnak (Same Sex Marriage) cu adirpi țhan lai caah Khrifa biaknak zalonnak kong ah harnak kan tong te lai tiah achim. Donald Trump hi mirum chung in achuak mi asi i ahringtu anu hi mi bomh arak duhmi asi ti asi.

Amah Donald Trump belte hi atuletu party ai țhialmi arak si tiah amah Biography ah an tțial. 1987 ah Republican party ah chungtel sinak min apek i kum 2 arauh ah achuah tak hna i amah tein (Independent) in aum. Kum 2000 ah president cuh ding in arak i tim tuah bal cang. 2001 in Democrat party ah alut i kum 8 chung aum hnu ah 2009 ah Republican Party ah arak kir țhan. Asinain Republican Party chung tak tak ahung luh cu 2012 lio ah khan asi i Mitt Romney president si ding kha arak dir pi.

Mah nak khan Republican ah aum thai i 2016 ah Republican party in president avun i cuh i atlingmi asi.
Dr. John Neufeld nihcun 2018 lio ah khan Michael Gove nih Donald Trump hi interview atuah i amah tein Baible arel balmi asi lo, Biaknak hi biapi ah achia mi zong asi lo, Hlanlio president Richard Nixon bantuk asi ati. Asinain American Evangelical Khrifa pawl nih an dirpi tuk nak khi Obama chan ah nau thah (abortion), neih khat țhitumh (same sex marriage) le US baiceih zung sangbik (Supreme Court) ah Khrifa țha an um lo caah Trump achuah ahcun mah pawl hi aremh dih lai tiah zumhnak an ngeih caah an thimmi mi asi tiah Back To Bible timi ah an țial.

An zumh bantuk in Trump nih nau thah akham, same sex aduh lo pin ah Supreme Court ah Khrifa țha baiceih bawi ațhut ter taktak. Jerusalem zong Israel khualapi asi tiah adirpi i US embassy tiang Tel Aviv in Jerusalam ah May 2018 ah athial ter hna. Cun Khrifa tampi nih Trump hi president asi hnu in alung ai thleng ngai i Khrifa tha ah ai chuah ko tiah Billy Graham fapa Franklin Graham hmanh nih adir ngai ngai.

Cucaah November 03, 2020 US thimnak zong ah hin Trump cu Evangelicals pawl nih thimfung an thlak rih te lai tiah zumh aum ngai ngai. Asinain Joe Biden cu –seasoned politician – an timi asi i politics hi cu achung bak in kum 40 leng chung aumnak hmun asi tikah Hillary Clinton bantuk men khan cun Presidential Debate tik zong ah Trump nih achei te lai lo tiah ka ruah. Abortion le Same Sex kong lawng cun ram pumpi president cu an thim lai lo caah caan karlak i Coronavirus- ram pumpi zawtnak tlangrai harnak an tuarmi kong ah President nih atawlrel ning kong nih tamtuk politics ah hmunhma alaak te lai.

Donald Trump nih US Democrat pawl lakah cun Joe Biden hi azenh cem mi asi caah Ukraine ram tiang taza cuai ding in aforh hna ruang ah amah leh lam taza cuai tiang ai huah mi asi tiah political analyst tampi nih an zumh mi asi. Atu in chim cia chung ding ah atuan ngai rih i thimfung thlatu cu US mipi an si te ko lai caah atu te hin Donald Trump cawlcangh an ngiat ngaingai cang lai ti afiang. Amah Trump zong nih Joe Biden cu mi sawh sawh asi lo ti atheih tuk ve ko caah ralrin tein ram akalpi lai tiah ka zumh. Credit: Victor Khen Sang