Covid-19 ruangah puai kai zong kaa din rih chung tiah achimtu Phyo Phyo Htwe

Kawlram chung ahcun coronavirus rak lut rihlo hmanhsehlaw rak kham chung nak dingah cozah lei nih thanhnak anrak chuahmi ruangah mitampi hnacu buai lulhmalh asiko. Mah lio can ah hin kawlram chung minthang pakhat asimi Phyo Phyo Htwe nihcun ngandamnak lei kongkau ah nawlngeitu leinih thanhnak anrak tuahmi cu zulh ding hrim asi tiah achim.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Phyo Phyo Htwe nihcun “Tulio virus he pehtlaiin WHO le Nunicef hna nih ngandamnak konglam he pehtlaiin thanhnak an chuahmi hna an um. Mah thanhnak antuahmi cu kawlram minung hna nihcun kan zulh ko hna. Sinain tuni tiang zongah a chuak rihlomi hicu kan van atha tiah chim khawh asi.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Ram dang hna ahcun lakawk tlaklo tiang bakin dirhmun chiakha ah an dirlio zongah kawlram chungah cun zeihmanh atirihlo ruangah hin atha tuk” tiah interview anrak tuahnak ahcun a chim. Vawlei pumpuluk chungah a karh cuahmah mi coronavirus ruangah athimi minung zat cu an tamtuk lawm mam cang.

 

 

 

 

 

 

 

 

 

 

 

 

 

 

 

 

 

 

 

 

 

 

 

Ram kenkip hna zong nih ramchung ram leng khualtlawn nak lei zong luhchuah nak lam an kham cang hna. Kawlram chung zongah mizapi pumhnak Academy laksawng peknak puai, titoihpuai tibantuk hna zong an khar dih ve cang. Kawlram chung artist tampi hna zong nih coronavirus he pehtlaiin ngandamnak lei thatein izohkhenh nak dingah kap khatleiin rian antuan ve cuahmah hna.

 

 

 

 

 

 

 

 

 

 

 

 

 

 

 

 

 

 

 

 

 

Coronavirus i chonhbarh khawhnak hmun mizapi pumhnak hmun hna cu kal ding asilo tiah March 15 ni dynasty gold & jewellery puai akainak ah arak chim. “Puai hnacu zarch 6 chung tiangin khar asicang. Puai nganpi pi hna zong tuah khawh asitilo. Mibupi in i pumh khawh asitilo tiah thanhnak anrak tuah.

Puai kaipiak dingin phaisa cheuchum arak kape ciatu zong an um hna nain nidang puai dangah rak kan kaipiak teko tiah an kati. Keimahlei nihcun zeihmanh tuni tiangah cun sunghmi cu ka ngeirih lo”tiah arak chim.

Nihchuak video a thlaknak thawngin soiselnak tampi karlak zongah ralthatein adirpeng tu le a hnu deuh ahcun mah nihchuak a thlakmi hna hmangin mipi theihle hlawhtlin nak tiangin arak co khotu Phyo Phyo Htwe nihcun tuhrawngah video zukcawl tiangin athla cang tiah theih asi. Phyo Phyo Htwe cu soiselnak tampi hmanh nih rak tlunhnawh hmanhsehlaw azulhmi lam cungin piakbaklo in fektein a dirpeng tikah cun tuni tiangah hlawhtlin nak tampi arak co khawh hi asi.