Dawtu ichiah nakcun keimahtein inuam kho dingin ka um tiah a chimtu Mi Sandi

Mi Sandi nihcun dawtnak he pehtlaiin a dirhmun cun fianghlantein arak phuan. Mi Sandi nihcun mah nuamtein a chiahkhotu dingmi aton tik lawngah dawtu konglam cu aruahte tiah dawtnak he pehtlaiin a dirhmun le lungput cu fianghlang tein arak phuan. Interview antuahnak ahcun “keimah nuamtein aka chiah khotu dingmi cu ka thim telai tiah arak chim.

Keimah nuamtein a ka chiahkho tu dingcu dawt zong ka zuam velai tiah arak chim. Lungthin lei nihcun duhdawt tukmi asiko nain harnak akan petu hna va dawt cu zeihmanh san atlailo. Keimah le keimah ka dawt khawh lawngah midang zong ka dawt khawh lai caah nuamte um dingin ka tim. Keimah nuam dingin a ka chiah ruangah inuamh timi zong asilo. Nuamtein aka chiah khawhlo asiah cun Bye Bye asiko” tiah arak chim.

 

 

 

 

 

 

 

 

 

 

 

 

 

 

 

 

 

 

 

 

 

 

Mi Sandi nihcun dawtnak konglam he pethlaiin alungput ningcu a hlachung zongah arak langhter len hna tiah theih asi. A hnubik achuam mi amah pumpak album “Tharikhay” timi ahcun nungak tlangval hna ithen nak lei hawihin asakmi an tam ngai tiah amah nih arak chim chih. “Zayban” timi hla hmangin hlawhtlin nak acotu Mi Sandi nihcun dawtnak leiah cun keimah le keimah ka zuarchuak rihlo tiah arak chim.

Nain a chim thanmi pakhat ahcun dawtnak he pehtlaiin cun ka rak tawnmi atamtuk cang(ka upa cang) ti zong in arak chim. Nuamnak mahtein iserchuah cu nuamtuk mi ah karuah cang tiah Pixy tamhnak thilri pholangh nak puai zawh pahin arak chim. “Dawtnak he pehtlaiin cun zeihmanh a hmunlo timi cu ka theih cang, nuva sihnu zongah buainak arak chuah cang ahcun ithen than khawh asi. Keimah pumpak zong midang zun tuarin karak um ve cang tikah hin mizeihmanh lungthin dihlak pekin dawt ka duhtilo.

Zeibantuk thi hmanh ka ruahchan duhtilo. Dawtnak he pehtlaiin chim ahcun dawt cu ka dawt ko nain ka nghakchiatlio bantuk khan cun ka daw khoti lo” tiah arak chim. Hlasakthiam Mi Sandi cu ringawn vawlei cungah hlawhtlin nak aco lawng siloin chaw kawlhawlnak dang lei zongah a zuamtuk mi asi. MY Boo timi mino hrukaih thilthuam hnacu a zuar chuah pinah amah pumpak zohkhenh nak in restaurant pakhat zong a tuah ti asi.