Italy ram nihcun coronavirus mizaw hna he pehtlaiin ngaihchiat awktlak biachahnak arak tuah

Italy ram nihcun coronavirus mizaw hna he pehtlaiin biachahnak tihnung tukmi pakhat anrak chuahpi cang. Mah cu coronavirus zawtnak ngei kum 80 le a cunglei tarnu tarpa hna cu anmah ah zawtnak pakhat khat (bianabia ah zunthlum, thisen kai) angeitu hna cu thlopbulnak petilo in thihkhawh nak lam an hawnpiak cang hna lai timi asi.

 

 

 

 

 

 

 

 

Tuhrawng ahcun mizaw thlopbul nak dingah kut nih daihcawk asitilo pinah sizung chung zongah hmun hma lawngmi a um tilo tiah Toron khuapi in sibawi pakhat nihcun achim. Damthan dingah ruahchan mi minung hna lawngcu biapi deuhah chiahin thlopbulnak pek an sicang lai tiah a chim. Sibawi le nihcun rak kan ngaithiam ko u tiah an chim.

Maw vawleipi cungah suimilam pakhat chung telawng nun hmanh minung nih kan duhtuk lioah mahti mizaw hna cungah hnabeidongh nak dingmi thil arak chuah cu ngaihchia tak khi asiko. Mah konglam he pehtlaiin sibawi le nihcun mizei cung hmanh ah hnabeidongh cu kan duhlo nain tuhrawng kan dirhmun nih le a chiatkhat tuk tikah cun pakhat khat cu thim hrim hrim aherh cang ruangah asi.

 

 

 

 

 

 

 

 

Rak kan ngaithiam hram ulaw tu hrawng kan dirhmun le sining nih atlinh lo ruang ah asi tiah an chim. Mah bantuk biachahnak antuah ning zoh ahcun Italy ram nihcun an ramchung tarnu tarpa hnacu thihter dih an timh hlah maw titu zong an um.