Thisen A asimi hna cu coronavirus dohnak dingah anthazang ader deuh ti asi

Thisen A asimi hna nihcun coronavirus ruangi an zawt tikah rak tuar khawhnak dingah an thazang a der i, thisen O angeimi tu hna nihcun coronavirus rak doh khawh nak thazang thawng an ngeih tiah coronavirus rak ithawknak hmun Tuluk ram chung mizaw hna sinin hlathlainak an tuah tikah an hmuh chuah ti asi.

 

 

 

 

 

 

 

 

Wuhan khuapi le Shenzen khuapi chungin mizaw 2000 hna cu an thisen group then in thatein Tuluk sivailei hlathlainak tuahtu phu hna nihcun mah bantuk hlathlainak anrak tuah cu asi. Mah hlathlainak hmangin an hmuhchuah mi cu thisen A asimi hna nihcun zawtnak an ichonhbarh ning afawi deuh pinah a zual zong an zualhma deuh tuk ti asi.

“A thisen asimi hna nihcun zawtnak ichonhbarh ning thumh asikhawh nak dingah fak deuhin pumsa lei thazang thawn khawh nak dingah an izuam aherh lai” tiah Wuhan University, Zhongnak sizung hlathlatnak hmun in Wang Xinguan hruainak tangah hlathlaitu phu hna nihcun anrak langhter.

 

 

 

 

 

 

 

 

Sars-CoV-2 tiah kawhmi coronavirus ichonhbarhtu hnalakah A thisen asimi hnacu midang nak in tha deuhin zohkhenh an herh” tiah Wang nihcun achim. Mah lioah hin O thisen asimi hna nihcun O thisen asilomi hna nak in zawtnak ichonhbarh ningah an thawngtha deuh an tlawm deuhtuk tiah Medrixiv.org ah langhter arak sive.

Tuluk ram Wuhan khuapi chungin coronavirus ruangah a thimi minung 206 hna chungin hlathlainak antuahmi ahcun A thisen asimi minung 85 an sii O thisen asimi hnacu minung 52 an sive ti asitikah cun 63% tiangin A thisen asimi hna cu an thi tam deuh.

Mah bantuk hlathlainak an tuahnak cun an kum upat ningcang zongin then asi pinah nu le pa hna tizong in an then rih fawn hna. Mah an hmuhchuah nak nihcun Sars-CoV-2 le adang coronavirus karh nak chuakmi ah mizaw an siah ngandamnak lei riantuantu hna zong a bawmh khawh lai ti asi.