A dawhtukmi model pakhat cu iPhone X pekin dating arak tuahpitu kum no telawng asirihmi nghakhia pate

Dawhnak phunkip in athuamh mi model pakhat dating tuahpi cu tlangval tampi chunmang le ruahnak latu pakhat asi. Mah lioah hin dawhnak phunkip nih a thuamhmi model pakhat cu nghakchia tuk asirihmi pa pakhat nihcun dating arak tuahpi khawh. Natapun timi mah nghakchia pate cu midang hna hecun anrak ilo hrim lo. Kum hra telawng asirihmi mah nghakchia pate nihcun Thailand ram model muidawh le minthang pakhat cu dating arak tuahpi khawh.

Mah modle minthang cu Instagram chungah cun Rky Thitiworada tiah arak ichiah. Facebook lei zongah followers 59500 tiang angei khotu asi. Mah kum hra telawng asirihmi nghakchia pate nih dating arak tuahpi mi model cu DJ asi pinah amah pumpak ta asimi skin care brand zongah CEO asirih. Mahtluk in muidawh le mirum nih hin zeitin dah mah tluk in anghakchia rihmi cu dating arak tuahpi khawh tiah mitampi hna cu an khuaruah arak har cio hna.

Mah nghakchia pate nihcun Christmas laksawng hrangah tiin model muidawh minthang asimi Rky cu iPhone X arak cawkpiak pinah tubantuk in dating anrak tuah hi asi. Christmas hlante ah khan mah laksawng cu arak peki Nantapu nih dating anrak tuahnak hmanthlak hnacu arak tarlangh tikah mipi hnacu an lau ko hna. Kan vawleipi ah hin kan ruahnak nakin thil arak tlung tawnmi hi amak tuk theu tawn. Tutan thilcangmi zong hi ka zumlo rak tilen hmanh law thil sining cu athleng hlei lailo.