Irene zuk cu hnamh in fihnung tukmi biahla hna arak chimhnawh lentu Youtuber minthang pakhat

Mah Yotuber nihcun Irene zuk cu arak hnamh len lawng siloin duhnunglo tukmi biahla hna hmangin arak tuaitam len ti asi. Korea Youtuber minthang pakhat asimi Dukchul nihcun Red Velvet ah hruaitu asimi Irene zuk cu arak tlaihi lam kenkip ah kalin arak hnamh len pinah biachiakha tak tak hmangin arak zai hnawh tikah cun Irene thapetu mipi hna thin hung tuk in arak chiah hna tiah theih asi.

 

 

 

 

 

 

 

 

Dukchul nihcun lam kenkip ah Irene zuk cu ikenbuin a hramthok ahcun Irene pumsa konglam he nihsawhnak bia arak chim. “Zeiruangah dah mahtlukin na rih cang e, na rihnak thumh khawhnak dingah exercisr tuah cang” tiah arak chim. Mah hnu zongah cun Dukchul nihcun Irene fashion zong arak soisel. “Ka dawtte aw, zeiruang ahdah mahtluk a chiakha mi hrukaih cu narak ihruk.

 

 

 

 

 

 

 

 

 

 

 

 

 

Pa dang hna zong nih an izoh cang hitah. Mah bantuk hrukaih cu rak ihruk tihlah” tiah Dukchul nihcun arak chim than. Mah hnuah cun Dukchul nihcun Irene zuk cu hnamh in amah nungak bantuk bakin arak tuah len. Mah tikah cun lam cungah a chawkmi mipi hna zong cu athiltuah mi ruangah khuruah harin an um cang hna.

 

 

 

 

 

 

 

 

Mah bantuk thil arak tuahnak video file arak tar tikah cun Irene thapetu pawlhna an puak durmar cio hna. “Zeithil dah na tuah hi, Irene nih hmu sehlaw zeitindah a tuar lai timi na ruat baklo maw”. “Mah thil ka zoh tikah cun ka um hrim anuam kholo. Nangmah nihcun midang pumsa cungah nihsawhnak body shaming natuah asi. Irene le Red Velvet thapetu pakhat ka sinak in ka thin a hung tak tak” tiah thapetu chungin lehnak arak ton.