Boxing champion Mayweather he thongh ka duh tiah UFC champion Khabib nih a chim

UFC fighter pakhat asimi Russia ram mi Khabib Nurmagomedov nihcun American minung boxing champion Floyd Mayweather he an ithongh men lai tiah arak phuan. Mayweather nihcun round hleikhat tiang a ummi boxing puai chungah cun tlu lakin arak thongh khawhlo nak ding zongah arak izumh ngai ngai ti asi.

Kum 43 tiang asicangmi Floyd Mayweather nihcun 2017 kum lioah khan UFC fighter thawng arak simi Conor Mcgregor he anrak ithongh tikah cun arak tei kha asi. Floyd Mayweather cu tuni tiang boxing arak ithongh nak chungah sungh puai ngeilo asi. Boxing athongh nak ah hin puai sawmnga chungah puai sawmnga ningtein teinak arak cotu record zong angeih.

Khabib manager asimi Ali Abdelaziz nihcun Floyd Mayweather le Khabib Nurmagomedov hna cu North East leiah ithongh dawh an sii Saudi Arabia ram nihcun phaisa tampi liam khawh asi tiah arak chim ve. Mayweather pumpak bak zong nih Khbib Nurmagomedov le Conor Mcgregor hna he nikhat khat ahcun ithongh khomi kan si tiah arak chim bal cang.

UFC fighter asimi Khabib Nurmagomedov nihcun “Keimah cu boxer kasi lo bantukin wrestler zong ka silo. MMA fighter pakhat ka si. Keimah he thongh aduh asiahcun UGC zuamnak chungah raklutin arak ithongh aherh lai. Mayweather nihcun keimah he thongh aduh asiah cun round hleikhat um boxing puai khat le MMA round khat lawng kan ithongh laii MMA displine tangah kan ithongh lai.

Boxing ahcun round khat ah minute pathum le MMA ahcun round khat ah minute panga tiah khiah hnuah ithongh ka duh. Mah bantuk in Mayweather nih thongh aduh asiah cun kei zong nih ka thongh ve ko lai” tiah arak chim. Cun Floy Mayweather he an ithongh tik zongah teinak acolai tizong arak izumh.