Mithi ankarh chin lengmang ruangah Iran cozah nih thongtla minung 54000 hnacu cankhat chung zalonnak nawl apek hna

Iran cozah nihcun thong chungah minung tamtuk mihna zorternak ding hrangah tiin le coronavirus kham duh ruangah thongtla minung 54,000 hnacu cankhat chung chuah nak nawl arak chuah. Biaceihtu bawi pakhat asimi Gholamhossein nihcun a hmaisabik ahcun thongtla pawlhna cu zawtnak hrik an keng maw timi chek hmasak an si.

Zawtnak hrik an ngeilo ti kan theih hnu lawngah biakamnak minsenthut terin can khat chung kan chuah hna hi asi tiah a chim. Mah hnalak ahcun kum nga cunglei thongtla dingmi hnacu an itel hnalo. Sinain thongtlami British – Iran mibawmh chanh nak riantuantu pakhat belte cu British ram nawlpiak nak ruangah chuah zau asilai tiah theih asi.

Mahlio ah hin avapa tunih cun anupi sinin hin zawtnak hrik ichonhbarh sual khawh asilai tiah ruahnak angeih arak ngeih ruangah nawlngeitu hna zong nih amah chekhlat nak tuah dingin can an lakdeuh nak hi asi. Sinain thongchungah amah rak leng tawntu a chungle dang hna he zong tule tu an itongh peng tikah cun a chungkhar hna zong cu zohkhenh ding aherh.

 

Tuni tiangah cun amah cu ngandamtein a um korih. Mah nucu 2016 kumah khan ram ngiatthlaitu ah puhin thong kum ngachung thlak arak si. Amah nihcun kasi hrimlo tiin tuni tiang zongah arak al peng hna. British ram zong nih mahnu cu sualnak ngeilo asinak konglam cu aphuan.

Ramkip ah zawtnak hrik ngeitu dihlak cu minung 90,000 leng an sicangi athimi hna dihlak cu 3110 an sicang. Mah athimi hna chungin minung 77 hnacu Iran ram minung an sihna. Zawtnak ngeitu zong nikhat chungbak ah aletin ankarh ruangah tuah cun minung 2336 tiang nih zawtnak hrik an ngeih cang.

Mah zawtnak ngeitu hnalak zongah hin ngandamnak leiah emergency in zohkhenhnak leiah hruaitu pakhat zong arak itelve cang tiah theih asi. Iran ram parliament 290 hna chungin minung 23 hna nihcun mah coronavirus zawtnak hrik an ngeih cang ti asi. Iran ram nihcun American nih an puhning in zeihmanh thuhpheh mi an ngeilo tiah a chim.