Vawleicung man fakbik ralkap hmanmi helicopter 10 hna konglam tawi

Tuchan ralkap hmanmi helicopter hnacu tharchuah peng asi. Mah helicopter hnacu raltuknak lei thazang an thawnter lawng siloin control ningcang pinah a ranlei zongah thiamnak tharin tharchuah peng an sit awn. Tuchan thar ralkap helicopter pakhat ngeiding ahcun phaisa tampi aherh. Tutan zongah hin vawleicung ralkap helicopter man fakbik 10 hna konglam cu kan rak langhter tuah lai.

10. AugustaWestland AW101

Mah AW101 cu AungustaWestland ah serchuahmi asi. Ralkap lei lawng siloin mipi hrang zongah hmanmi helicopter asi. Mah helicopter serchuahnak hrangah hin dollar 21 million bak adih. Mah helicopter cu raltuknak ding le upadi hrang lawngah serchuahmi nak leng tiang khi asi. mah helicopter chungah cun minung 30 tiang hmanh atlum ti asi. Mah nihcun UK Royal Air force le Canadian ralkap hna he chanhchuah nak lei rian an tuan ti. Culawng siloin Italy zong nih mah hmang hin tichunglut tinbaw duhlonak arak langhter cang.

9. NHIndustries NH90

NH90 cu helicopter zaran lianhning in ser asii amah hin engine pahnih tiang angeih. A herhnak hmun pohah hmankhawh dingin sermi ralkap hmanmi vanlawng asi. Mahcu NATO nih raltuknak helicopter anduh ningcang in serchuahmi asi. Rili kiangkap hrawng zongah thatein riantuan kho dingah sermi asi. Mah helicopter cu hlanlio rakserchuah ningcang phun hnih hna hmangin sermi asi. Mah NH90 chungah cun ralkap minung 20 tiang phurh khawh asi pinah thilri 2500 kilgram in ritmi tiang zong phurh chih khawh asi. Amah cu dollar24.3 million asi. Tu NH90 nihcun French, Spain, Netherland, Oman, Shweden le Bergium ram hna he rian atuanti.

8. Boeing CH-47 Chinook

Boeing CH-47 Chinook cu American helicopter asii engine pahnih le cunglei thilvir pahnih angeitu zong asi. Mah helicopter cu American rotorcraft Company Vertol nih tharchuahmi le Boeing Vertol nih serchuahmi asi. mah anrak serchuahnak zongcu kum 50 leng asicang. Amah cu cansaupi chung riantuan khotu le thil tampi a phur khotu asi. Aman cu dollar 25.1 million asii minung 34 tiang a chungah an itlum.

7. Kaman SH-2G Super Seasprite

SH-2G cu American helicopter asii mah nihcun tichunglut tinbaw hna ven le vawlei leiin dohnak hna lehrulh khawh nak thazang angeih. Amah zatcu dollar 26 million tiang asi. Mah helicopter cu 1984 kumah serchuahmi asi. US ralkap hna nih anherhnak ah tichunglut tinbaw doh le ven, tinbaw missile ven, tinbaw hnacu naihtein hlathlainak vatuah pinah hin bomb kawlnak, mibawmh chanh nak….hna ah hman asi.

6. Sikorsky MH-60R Seahawk

A herhnak hmun pohah hmankhawh mi mah MH-60R cu US navy ah hmanmi SH-60B le SH-60F hna thlennak dingah an serchuah mi asi. Mah helicopter cu tichunglut tinbaw doh le ven, tinbaw missile ve le tinbaw hna naihtein hlathlainak vatuah tibantuk rian pinah in sivai, kawlhawl nak le chanhchuah nak riang tiangin tuanter asi. Mah helicopter nihcun 2721.55 kilogram tiangin ritmi thil a phurh khawh. Mah serchuah nak dingah dihmi phaisa dihlak cu dollar 28 million asi.

5. Mi-35M

A herhnak hmun pohah hmankhawh dingin serchuahmi mah Mi-35M cu Russian helicopter lei thiamnaklei fawnh tonhin Rostov nih a serchuahmi asi. Mah helicopter ah hin a thatukmi hriamnam hna bunh an si pinah vawlei lei ralkap hna bawmhchanh nak pe khotu zong asi. Mah cu Russia helicopter serchuahmi hna lakah athabik mi helicopter pakhat asi. Mi-35M cu Venezuela, Brazil, Nigeria… tibantuk ram hna nih an ngeih hna. A man ahcun 36 million asi.

4. Sikorsky S-70

Stanford ah Sikorsky vanlawng sernak hmunin serchuahmi asi. US helicopter UH-60 tharchuah nakin serchuahmi asi. Mah helicopter cu a umnak tinbaw in 100 km tiang a zuangkho mi asi. A rihzan leiah cun ton 6 leng asi. Cun mah nihcun 9926 kilogram ritmi thil zong a phurh khawh. Minung 12 zong a phurh chih khawh.

3. Boeing AH-64 Apache

AH-64 cu engine pahnih ngei raltuknak helicopter asi. Mah helicopter cu Mcdonnell Douglas, Subaru Corporation serchuahmi asi. 1984 kum ah khan US ah hman hram thok arak sicangi, tuah cun Egypt, Israel, Greece, Netherland, Japan, Saudi Arabia, Arab le Uk hna zong nih an hman vecang. US ralkap nihcun Apache 800 leng tiang an ngeih cang pinah 1000 leng tiang zong an kuatchuah cang. These ram zongah raltuk nak riantuan khotu asi. A man zat cu 52 million asi.

2. Sikorsky CH-53 King Stallion

CH-53 cu arit tukmi thilri phurkhotu helicopter asi. Sikorsky vanlawng company nih US tiralkap hna hrangah aserchuahmi asi. Amah design ahcun rang 7500 thazang akengi 99 kilowatt, tichung tumkho helicopter umtu he fonhtonh in serchuahmi asi. American helicopter hna lakah aritbik le anganbik mi asi. minung 55 tiang zong a chung ah citkhawh asi. Aman cu 65 million asi.

1. Bell Boeing V-22 Osprey

V-22 cu Boeing le Bell helicopter in serchuahmi amak tukmi tichungtum kho dingin serchuahmi helicopter phun asi. Mah helicopter cu dingtein a tum a zuang khomi asi pinah minung 22 tiang aphur khotu asi. Cun 6000 tiangin aritmi thilri zong aphurh chih khawh rih. Mah helicopter serchuahnak ding ah hin 68 million tiang bak adih ti asi.