President Donald Trump Thawngin Kum 18 chung lengluang Afghan raltuknak cu an donghter cang

President Donald Trump nihcun “Tu can cu Afghan ram chung um American ralkap pawlhna inn an tlun can asicang” tiah Taliban hruaitu hna he kahdaih hnatlak nak cathluan chungah minsen anthut khawh cun official tein arak chim. Mah kaphnih karlak an irem ningah cun American ralkap 5000 hnacu May thla chung ah an ram leiah kirthan ding asi timi atel. Cun Taliban hruaitu hna he thatein caihtinak kan tuah lai tizong Trump nihcun arak chim chih.

America le NATO ralkap hawitha hna zong nih thla 14 chungah an ralkap an thial hnalaii Afghan le Taliban hna karlak zongah ruahnak hmunkhat putnak achuahpi lai ti asi. Mah remdaihnak antuah ningah cun Alqaeda le ralhrang dang hna zong Afghan ramchung ah luhkhawh nak pek an siti lailo ti asi. America nihcun 9/11 tukdohnak dih hnu leirawinak chuahpitu Alqaeda hna umnak Afghan cu luhhram arak thok hi asi.

Mahlio ah cun Taliban cu tubantuk thazang thawngmi anrak sirihlo. 2018 kum hnuleiah cun Afghan minung cheuthum cheu hnih hnacu Taliban ah anrak lutdih cang. American ralkap 2400 nal tlawmlo an rak thii tuni tiang zongah 12000 hna nihcun an um hnawh rih hna ti asi. Inrangpi ah presiden Trump biachim ningah cun, Tuni tiang America ram minung hna nih anthlanti le thisen an hlohmi cu philh khawh asilo.

Taliban nihcun America he remdaihnak ngeikho dingah anrak izuamnak can saupi asicang nain tuni lawngah remdaihnak tuah khawh asi. Kap hnih karlak tukdohnak ruangah thazang a dih tuk cang. Tuni cu ramchung minun hna nih anmah tein an ichonhbiak cang lainak konglam le America cu hnuleiah a kirthan canglai tiah arak chim.

Cun Taliban nih mah remdaihnak ngeihmi a buarsual asiah cun kha hlan vialte ah an rak ruahphak lomi tukdohnak cu Afghan ram chungah acang than lai tiah a chim. Mah remdaihnak cathluan ahcun minister Mr. Pompeo hmaika ah American palai Zalmay Khalilzad le Taliban ramkhel leiah riantlaitu Mullah Abdul nihcun minsenthutnak anrak tuah.

Pompeo nihcun remdaihnak antuah ning bantuk in Taliban nihcun Alqaeda he pehtlaihnak antuah tilai lo tiah ruah chan nak angeih nak kongcu a chim. Taliban hruaitu lei zong nihcun tubantukin ramdang ralkap hna nih ram chung an chuahtak dingmi cu ram hrangah thatnak tampi a chuahpi lai tiah zumhnak angeih nak kongcu arak chim.