Anupi he anrak iton kalio philhlonak ding thilri tuni tiang arak keng pengtu David Beckham

David Beckham le Victoria Beckham hnacu mitampi hna nuntha hmuhsaktu cele an si. Minthang tukmi cele tampi hna cu an nuva karak dawtnak kekkuai in chungkhar arak ithen mi zong tampi anrak umcang konain David Beckham le Victoria Beckham hnacu tuni tiang zongah thenlo tein an kut an itlai peng rih.

An ihmuh ton ka bakin an iduh colh tiah theih asi. Can cankhat ah cun anupi site dingmi nungak hecun 1997 kum ah khan anrak itonnak konglam cun Interview pakhat ah David Beckham nihcun arak phuan.
Manchester United hmaikal hlun asim David Beckham nihcun The Tonight Show Starring Jimmy Fallon program ah arak telpi hna lio i a lungtur rak rantertu thil philhkhawh tilo dingmi aton nak konglam cu mipi theih ah arak phuan hi asi.

Tu anupi asicangmi Victoria he anrak iton hmaisak bik lioah philhkhawhlo nak ding thilri pakhat cu tuni tiang zongah aken rih peng ko tiah arak phuan. Mah thilri cu zeidang siloin Victoria nih a phone number arak tialpiaknak tlawnglawng ticket kha asi. Mah lioah khancun Victoria kha Spice Girl chungtel arak sii David Beckham nihcun “Kan dihlakin Spice Girl hna kha kan duhcio ko. Sinain amah cu ka duhbikmi Spice Girl chungtel asi..” tiah arak chim.

“Victoria he mah kanrak iton lioah cu zanlek hna dinhnak khan chungah suimilam pakhat chung hrawng biaruahti nak kanrak ngei. Mahlio ahcun a phone number cu tlawnglawng ticket ah tialin arak kapek. Mah tlanglawng ticket cu tuni tiang zongin ka chiah rih ko. Tuah cun kan iumhnak zong kum 20 tiang asive cang. Fa pali tiang zong kan ngei cang”tiah a chim. David Beckham le Vicroria hnacu 1997 kum ah khan Ireland ram chung Luttrellstown Castle ah anrak i um.