Coronavirus cu SARS nak hmanhin alet 20 tiang bakin a thawn deuhnak kongcu hmuh than asi

Minung nunnak tiang hmanh ala khotu coronavirus zawtnak rungrul cu minung pum chung cell hna chungah arak isersiam ning cu SARS nak hmanh in alet 20 tiang bakin athawng deuh timi cu Austin khuapi chungum The University of Texas nihcun an hmuhchuah.

Coronavirus le SARS hna nih an riantuan ning, cell hna chungah an karhning hnacu alobak timi cu medical term in cu converting enzyme(ACE2) tiah an kawh. bioRxiv website in zarhteni ah arak langhter ningah cun coronavirus nih minung pumsa chung cell hna ah arak ithial(karh) ning zohah cun SARS nak in a let 10 in alet 20 tiang hmanh athawng deuh (rang deuh) tiah langhter asi.

Sinain mah bantuk tlukin minung pumsa chung cell hna lakah an karhning arangmi nihcun minung pakhat le pakhat karlak ichonh khawh nak ding arak bawmh velai maw timi tucu hlathlai nak tuah than dingmi asi tiah langhter than asi. Coronavirus nih hin zeitluk tiang khidah mifim le mithiam sang hna abuaiter rih laii zeitik tiang khidah mah harnak nihhin kan vawleipi a khuh rih lai.

Coronavirus cu SARS he tahchunh asitikah cun midang cungah ichonh khawhnak lam zong arak fawideuh tuk ti asi. Tuni tiang coronavirus ruangah athimi hna cu 2002-2003 kum hna ah SARS zawtnak ruangah athimi hna nak tam deuhtuk in an sicang tiah theih asi. Mah coronavirus nih hin chungkhar zeizat remruam khidah a then cang ngha.