Miss NMDC 2020 puai ah Judge rian arak tanhtu Htet Htet Tun

Htet Htet Tun cu Miss Universe Myanmar 2016 ah teitu arak si. Tihzah tlak nunzia le dawhnak phun tling angeitu lengdawh pakhat zong asi. Tuni ahcun amah cun model, actress le presenter pakhat sinak dirhmun ah a dirmi asi.

Yangon khuapi Sipin ithimnak zongah arak izuam balcang nain ramkhel leiin mipi hna hrang riantuan nak dingah cun hlawhtlin nak arak hmu lo. Htet Htet Tun cu naite ah tuahmi Miss Universe Myanmar 2020 lioah khan Judge pakhat dirhmun in arak ilangh ve tiah theih asi.

Kawlram thilthuma he dawh tak tak in arak ilangh lengmang nak zong hmuh khawh arak si. Mah bantuk thilthuam hna he dawh tak takin arak ithlakmi hmanthlak hna zong cu amah thapetu mipi hna zoh dingmi ah tiin arak tarlangh. Miss NMDC 2020 puai hrangah Judge dirhmun he karak chuah lio can Dress tiah Htet Htet Tun nihcun amah Facebook cahmai cungah cun arak tarlangh.

Htet Htet Tun cu tuhrawng lebang ahcun zukcawl tiangin arak ithla cang tizong theih asi. “Acinna Myit Phya” timi zukcawl saumi zong arak ithla balcang. Mah zukcawl chungah cun Htet Htet Tun pinah hin Khin Wint Wa, Moe Yan Zun le Htoo Aung hna zong an rak itel ve hna.

Mah zukcawl chuah arak silio zongah khan mipi hna lakah a hung lar ngai ngaimi zong asi. Miss Universe Myanmar nihcun Judge tiang tuan kho dingmi a hrinchuah lengmang cang ko lai.