February 14 Valentine Day ah nungak tlangval lamlengmi hnacu rulcuknak in an thi

February 14 Valentine Day ahcun Ngyang Lay Pin khuapi in a dawmi nungak tlangval hna pahnih cun an ihmuh tonnak hmunah rulcuknak in anthi tiah theih asi. Bagu ramthen Ngyang Lay Pin myo Intadaw khua pawngkam ahcun nungak tlangval pahnih athimi an um tiah thawng thawng atheih tikah khuatlang bawi U Than Htay nihcun ahmun ah kalin hlathlainak ava tuah tiah theih asi.

Mah thilcan ning cu Soe Than Htay(Intadaw khuami) nihcun arak hmuh ticu theih asi. Mah thilcan lio arak hmutu Soe Than Htay chimnak ahcun February 14 Valentine Day zinglei suimilam 10:00 hrawngah khan kap khatlei khua ah chi man cawh dingin ka kallioah cun Intdaw khua in meng hnih hrawng ahlatnak hmun pakhat ah nungak tlangval tuak khat hna bur tangah an ituailen kha ka hmuh tikah kava bih hna tiah a chim.

Cun a chim rihmi cu mahti bur tangi dawtnak par antlanh cuahmah lioah cun rul pakhat arak ra i tlangvalpa cu a cuk hmasa. Mah hnuah cun tlangvalpa nihcun a cungah thumi a nungaknu cu anam tikah a tlu i nungaknu zongcu rul nihcun a cuk chih ve tiah a chim ruangah cun Ngyang Lay Pin palik sakhan ah cun mithi hna sining cang cu report an va pek tiah theih asi. Athimi nungak tlangval hnacu zangfak tak tak khi an siko.