Khuaruah Har News

Khuahruah har thawngpang relnak!

Coronavirus zawtnak ngei cozah lutlai pakhat cu North Korea nih meithal in akah thah

Tuhrawng vawlei cung minung tingtampi thinphang in atuah cuahmahtu zawtnak pakhat cu kan theihcio bangin coronavirus (COVID-19) tiah min bunh asimi cuap phing zawtnak asi. Mah virus cu ichonhbarh ning aran tuk tikah le zawtnak khamnak siseh zawtnak damternak si a chuah rihlo pinah WHO nih mah zawtnak he pehtlaiin thinphan dingmi dirhmun asi tiah a thanh.

Mah ruangah hin mifim thiam hna zongnih an thiamnak dihlak chuahin virus a karhchin nak nghalo an khamnak an tuah. Mah virus hrik cu Tuluk ram Wuhan khuapi in arak ithokmi asii tule bangah cun Tuluk ram leng tiang zongah akarh chin lengmang cang. Mah bantuk zawtnak hrikcu ichonhbarh afawituk tikah le nunnak tiang nih hloh khawh asitikah hin cozah lei zong nih zawtnak ngeitu hnacu adangtein an chiah hna.

Mah tluk in zawtnak ichonhbarh tilo nak dingah rian an tuan cuahmah konain nihin ni tiangah cun zawtnak ngeimi hnacu an karh chin lengmang. Sinain ramdang dang hna nih coronavirus an dohning lakah North Korea nih coronavirus anrak dohning hicu tihnung tuk khi asi. Thawngpang pakhat thangmi ahcun coronavirus zawtnak ngeibu he Tuluk ram in arak tlungmi North Korea cozah lutlai pakhat cu an ram arak phanh tikah cun meithal hmangin an rak kahthah ti asi.

Mah thawngpang cu February 13 ni ah khan Dong-a Ilbo tiah minbunh mi thawngthanh nak nihcun arak langhter. Norht Korea ram cozah lutlai pakhat cu Tuluk ram akhual tlawnnak in coronavirus arak tlun than tikah cun hmundangte ah an chiah ti asi.

Sinain mah bantuk amah telawng an umter tikah cun a umhar tuki zapi hmanmi zunin leiah cun arak kalve ti asi. Mah bantuk in nawltangah an chiahmi a buar tikah cun North Korea cozah thin a pawh ciam mam i tubantukin an kah thah nak hi asi. North Korea nihcun kan hnung thla thokin an ramchung ah virus arak luhtikah cun ramdangmi hna luhkhawh nak an kham ti asi.

Leave a Reply

Your email address will not be published. Required fields are marked *