Khuaruah Har News

Khuahruah har thawngpang relnak!

Coronavirus dohnak ah bawmchantu ding American silei thiamsang hnacu Tuluk cozah nih an ramchung luhnak nawl arak pe hnalo

Coronavirus ruangah Tuluk ramchung ahcun nizan nikhat chung telawngah khan mi 120 nih an thih chap tikah cun athimi dihlak cu mi 1483 tiang an sicang tiah nawlngeitu hnan nihcun an chim. Mah bantukin ruahlopiin nikhat chungah zawtnak ngeitu le mithi mi hna an karhnak aruang cu an hlathlai ningcang an thlen ruangah asi tiah theih asi.

Cu bantuk in hlathlai ning an thlen tikah cun zawtnak ngeitu mizaw dihlak cu 65217 an sii 5961 hnacu damh an sicang tiah theih asi. Mah bantuk dirhmun chiakhami ah an dirlio can zongah anmah bawmchantu ding America silei thiamsang hna cu an ram chungluh nak nawl Tuluk cozah nihcun arak pe duh hnalo tiah theih asi.

Mah bantukin ramchung luhnak nawl an rak pek khawhlomi he pehtlaiin America nihcun a lungnuamh lo tuknak konglam cu nizan ah khan arak chim ve. Coronavirus ichonhbarh ningle a karh ningah hin Tuluk ram nihcun langdihmi tuahsernak angeilo tiah White House ah ruahnak cheutu Larry nihcun arak chim.

America lawng siloin Hong Kong zong nih coronavirus konglam he pehtlaiin Tuluk ram nihcun thil sining tak athanhlo tiah arak puh balcang. Nai American president Donald Trump le Tuluk ram presiden Xi Jinping an ichonh lioah khancun Tuluk cozah nih coronavirus he pehtlaiin pek dingmi bawmhnak cu karak cohlan lai tiah bia arak kamh bal tiah theih asi

Leave a Reply

Your email address will not be published. Required fields are marked *