Khuaruah Har News

Khuahruah har thawngpang relnak!

Coronavirus zawtnak nih a tlunh mi tarnu le tarpa hi rak zoh ve hmanh zangfak taktak khi an si (Video)

Mi tampi nih kan chim lengmang mi Dawtnak cu zeitluk hmanh in chimfian tim kohna hmanhsehlaw thihni tiangin pakhat le pakhat karlak ah zumhawktlak tein khuasak le izohkhenh mi dawtnak lawng hi dawtnak tlamtling tiah chim khawh asilai.

Nuva asimi dihlak hna nihcun mah bantukin pakhat le pakhat karlakah an ipe dih kholo. Sinain Tuluk ram in tarnu tarpa hna nihcun dawtnak tak tak cu zeibantuk dah asi timi cu an rak langhter khawh. Mah tarnu tarpa hna nihcun vanchiat ngelcel ah coronavirus ruangah an pahnih ningin an zaw veve.

Tarpa cu kum 87 asicang i tarnute tucu kum 83 asive cang. An pahnih hnacu zawtnak hrik kham nak ankalpi ning ruangah hmun dang veve ah an chiah hna. Nikhat cu tarnute nihcun rawl zeihmanh a eiduh tilo. Sibawi le nurse hna nih zeitluk an thlem zongah a eiduh hlei tilo. A donghnak ah cun tarpa sinah cun bawmh an vahal.

Tarpa arak phanh tikah cun zawtnak ruangah ihkhun cungah a itmi a nupi ava hmuh. Cu tikah cun a nupi ihkhun tlangah thutnak remhin thlem hram athok. Mah bakcun tarnute zong nihcun rawlcu ahawng ei than. Mah video zoh tikah cun mitkhur chungah mitthli a dil dih. Dawtnak arak thuh ning cu hmuh khawh asi.

Mah dawtnak nih then asian lomi tarnu le tarpa hna cu coronavirus nih chuah takin saupi tiang dam rih hna seh tiah duhpiak nak pe cio hna usi. Dawtnak taktak nih cun zei bantuk harnak paoh khi chuaklak in a in khawh dih hna. Dawtnak kan timi cu kan dawttuk tiah kan kaa lawng in chim mi khi dawtnak tling a si lo. A tuah in kan tuah mi tu khi dawtnak tling cu an si.

Video

 

Leave a Reply

Your email address will not be published. Required fields are marked *