Khuaruah Har News

Khuahruah har thawngpang relnak!

Valentine Day ah mahtelawng in can ahmang dingmi hna nih ngaih ding ah hla asertu Shwe Htoo

Hla tha tampi arak phuah in arak sa tawntu tawntu Shwe Htoo nihcun ringawn vawlei arak luhhnawh le cangkain khan mino hna duhmi hla tampi arak phuah tawni tuni tiang zongah a cuai kho hleilo. Nupi arak thit hnuin cun a thaisungnu nih a zohkhenh ning athat tuk ruangah zun ngaih hlacu arak sa tuk tilo tiah amah nih arak chim bal.

Sinain zung ngaih hla hmangin mitampi thapek arak tongtu Shwe Htoo nihcun tukum Valentine Day ah mahtelawng in can a hmangtu dingmi hna hrangah music video arak ithla than cang tiah theih asi.
Tutan music video ah arak serchuah than mi “Unlucky Day” timi hla cu arak chuah hramthok in khan mitampi nih an rak ngaih tukmi hla pakhat asii abikin Valentine Day lebangah cun mino hna nih an duhkhun tawn tiah theih asi.

Mah hlacu Valentine Day ah chuah manh dingin a thlakmi asi tikah “Valentine’s Day ah Unlucky Day sihram hlahseh tiah nan dihlak cungah kan duhpiak hna” tiah arak post. Mah pinah “A tlamtlinlo nak a um asi zongah rak ka theithiam hram u, Shooting nihle aherh tikah can zong a zatawk in kapek manhlo ruangah le hnamhnawh tukin ka tuahmi asi tikah nan hmai zong kan khap hnalo” tiah arak chim than nolh.

Shwe Htoo nih amanh lo karlakah FA hna hrangah Valentine Day tanhmanh dingin arak sermi ‘Unlucky Day’ music video cu nanrak zohduh sual ah tiin karak tarchin nak hi asi. Mi tampi nih Valentine Day hi sunglawi emem in an hman lio ah cheukhat fanu, fapa hna nihcun thurhnawm taktak in arak hmangmi an rak tampi ve fawn.

Video

 

Leave a Reply

Your email address will not be published. Required fields are marked *