Khuaruah Har News

Khuahruah har thawngpang relnak!

Chekhlat ningcang an thlen ruangah athimi le zawtnak ichonhbarhtu hnacu record serin Tuluk ramah an karh chin

Coronavirus COVID- 19 he pehtlaiin Tuluk ram nih chekhlat ningcang antuah ning an thlen ruangah nikhat chung lawng hmanh ah Tuluk ramchung ah a thimi 242 tiang an phan i zawtnak ichonhbarhtu hna zong nikhat chungah thawng hleinga dengmang (14840)tiangin arak karh.

February 13 ni zinglei tiangah coronavirus ruangin athimi dihlakcu 1357 tiang asii zawtnak hrik chonhbarh atongtu dihlak ah cun thawng sawmruk leng (60017) tiah thanh asi. Mah bantukin nikhat chung telawng ah tamtuk akarhnak ruangbik cu a hlanah si in (sekhan) ah arak izohtermi hna le si in ah thlopbul nak arak latu hnacu cazing chungah Tuluk cozah nih a khumh chih cang ruangah asi tiah theih asi.

Cun mahlawng siloin zawtnak ngei dingmi ah lunghrinh atongmi hna zong mah cazin chungah anrak khumh cang ruangah hin tu bantuk in an karh chin nak hi asi. Coronavirus arak ithok nak Hubei ramthen chung lawng hmanh ah zawtnak ngeitu dihlak cu thawng sawm nga dengmang (48206) an phan tiah theih asi.

Tuni tiangah cun kawlram chungah cun mah coronavirus zawtnak ngeitu cu an umrihlo nain ramthen dang dang i sizung hna ah cun lunghrinh mi hna minung 16 belte cu zohkhenh cuahmah an si tiah Sports and Health Ministry lei nihcun thanh nak antuah tiah theih asi. Kawlram chungah cun February 12 ni zan suimilam 8:00 tiangah cun zawtnak ngeimi an um rihlo tinak asi.

Leave a Reply

Your email address will not be published. Required fields are marked *