Khuaruah Har News

Khuahruah har thawngpang relnak!

Coronavirus zeirelloin Indonesia bazar cheukhat ahcun papalak sa an zuar rihpeng

Papalak hna cu minung hrangah tihnung tukmi zawtnak a chuahter khotu virus umnak hmun thabik saram phunkhat an si. Abikin SARS, MERS le tutan coronavirus COVID-19 hna cu papalak chungah a keumi virus phun he an ilo hna tiah theih asi.

Mahtlukin tih anungmi papalak hna cu Indonesia ram bazar cheukhat ah cun zuar peng asirih ko tiah Reuters thawngzamh nihcun alanghter. Tumuhun ah papalak zuartu Stenly Timbuleng nihcun a zuarmi papalak hna nihcun coronavirus an ngeilo kati tikah tampi ka zuar khawh tiah achim.

Mah pa Timbuleng nihcun puai can lebang ah hincun nikhat chungah papalak 50 – 60 karlak tiang ka zuar khawh tawn tiah achim rih. Papalak hnacu chaklei Sulawaisi ah cun ramchung mi hna duhbikmi sa asinak kongcu Indonesia meh chuan thiam pakhat asimi William W.Wongso nihcun achim.

Meh chuangtu hna nihcun papalak thlaki tangi tibawm(gland) cu an hlonh tawn ruangah arim chiakha zong zeihmanh a umtilo tiah achim. Papalak hmul thianh dingah cun mei nih khangh le hrem asitawn. Mah cuhnuah cun a lu, thlaki le apum dihlak cu meh hang dingah coconut thei chung no he an chuan chih tawn.

Tuhrawng ah cun Jakarta khuapi telhin khuapi tamdeuh hna ahcun papalak mehhang cu menu chungin hlawt asicang tiah theih asi. Sinain chaklei Sulawaisi leiah cun tutiang zongah papalak sa cu an eirih pengko tiah theih asi. Atanglei ah khin a bazar ah papalak an zuar lionak a video a um chih rak hmeh law rak zoh ve.

Video

 

Leave a Reply

Your email address will not be published. Required fields are marked *