Corona virus thar kawlram lungkua chung Papalak ah an hmuh

Vawleicung ram tampi ah an hmuh mi le minung tampi nunak latu corona virus cu kawlram lungkua chung ummi papalak ah an hmuh tiah theih a si. Smithsonian Enviroment lei ah zohkhentu rian a ttuan nunnak a ngei mi satil zohkhenhnak lei ah sibawi Velitoto an tihmi pa nih cun fabuary 9 ah khan alanghter hi a si.

Dr. Velitoto cu saram in minung ah chonh khawhmi corona virus hna cu check hlatnak a tuahtu mipakhat a si. Mah hi pa nih cun hlathlainak a tuahmi ah zawtnak tam u hi saram in a chuakmi an si tihmi cu fiangtein ahmuh. Mah lak ah cun Papalak in zawtnak chuak hi atam khun tiah an chim.

Kawlram ah khin lungkua tampi an um i mah lungkua ah luh an i timh ahcun kawl an nunphung ah kedanh danh lo ding ti a si caah kedanh phawih bu in lungkua chung ah an lut tawn.Cu bantuk ruangah cun zawtnak fawi tein kai khawh nak lam a tam khun tiah an chim.

Hmun tampi ahcun saram bazar ah a zuar mi an tampi tawn, mah an zuar mi saram lak ah cun Papalak khi a tam khun tiah sibawi Velitoto nih cun a chim. Kawlram chung ah  aummi khuai Papalak an tihmi le Hamberi Papalak hna chung in thong khat renglo hna cu an tlaih hna cu check hlatnak an tuah hna.

Cu bantuk hlatlainak an tuahnak ahcun vawleicung khuazei hmanh an hmuh bal rihlo mi corona virus cu an hmuh. Hmanh sehlaw cu an hmuh mi corona virus cu minung caah ttihnung cu a si lem lai lo tiah Smark Sunian collage World health lei ah riantuantu pakhat Suzanmari an tihmi pa nih cun a chim.

Hmailei ah zeidah cangte lai tihmi akn thei kho rihlo nain hmailei ah ralrinnak tamoi cu a kan ngeihter cang lai tiah a chim. Vawleicung ram kip ah zawtnak thar chuak dingmi kilven khawhnak ding ah American Agency PREDRICT cu vawleicung ram 30 fonh in rianttuantu Agency pakhat an si.

Smithsonian University in Myanmar project cu mah Agency ah biatak tein rianttuan i thazang a chuahtu an si. Mah phu hna nih cun aluancia mi kum 5 lio ah an rak dirhmi project cu 2019 september ah khan an rak i ngol. Mah phu hna nih cun hlathlai nak an tuahnak ah corona virus phun 160 le saram phunphun in coron virus thar 1200 nak tam an hmuh nak kong cu Mari nih cun a chim.

Tuchuni tuangah hin Wuhan khuapi in a chuakmi corona virus a kaimi ram lea thi mi ram hna cu a tanglei ah khin ka vun langhter chih hna. Mah zawtnak cu vawleicung ram tamtuk ah a phan cang tihmi cu a tanglei ah khin fiangtein hmuh khawh le zoh khawh a si.