Breaking News: Mandalay ah inn a kang, kum 5 nu nghakchia mei nih akangh i a thi

Kawlram chung ah khuapi pahnihnak a si mi Mandalay ah inn a kang i kum 5 nghakchia nute nunnak a liam tiah theih a si. Mah kangmei chuak mi hi tuni fabuary 13 zinglei suimilam 7:25am ah a si. Kangmei chuahnak hmun cu Mandalay ramtthen Maha-aungme myone street 35 Phaungdaw Oo sang i a ummi Phaungdaw Oo an pathian bakinn hnung lei a si.

Mah Kangmei chuak ning cu, O Chit Min Lywin le Daw Tan Aye hna inn in ai thawkmi a sii, inn 11 a kang dih tiah theih a si. Kangmei chuakmi cu Level 2 mitat mawtaw hna nih an zuan hnawh i an phalh khawh ko nain U Chit Min Lywin le Daw Tan Aye hna i an fanu Ma Moe Khain kum nute cu a nunak aliam thiah theih a si.

Zei ruang ah dah kangmei a chuah tihmi cu biafiang theih khawh a si rih lo. Thawngzamhtu hna nih an langhter ning tein ka vun langhter mi a sii, zei ruangah dah a kangh tihmi zawng kan vun langhter chin khawh lo nak a si. Kan vun langhter hnawhchan cem mi cu, khawzeika kan umnak hmun poah ah hin mei ah i ralring kan hau timi ruang ah khin a si.