Wuhan virus caah sii hmanh an hmuh hlan ah Nigeria ram ah zawtnak ttihung a chuak i minung 15 an thi

Kan vawleipi lungrethei le vansang au in a tuah dihtu Wuhan virus cu tuchunni tiang a sii an hmu khawh hlei rihlo caah nichiar tein mithi an karh chin lengmang i zawtnak a kai mi zwng an karh chin lengmang fawn. Vawleicung mifiam thiamsang hna heh tiah a sii an kawl cuahmah lio ah Nigeria ram zawtnak ttihung taktak mi arak chuak tthan i minung 15 an thi.

Nigeria ram ah zawtnak a chuak mi ruangah minung 15 an thi lawng hmanh silo in minung 100 nak tam deuh nih zawtnak an kai manh tiah theih a si. Mah kong lam cu The Indipendent The Sun News Online le The Guarddian Nigeria thawngzamh nih an langhter mi a si. Cu zawtnak cu Nigeria ram Benue state in ai thawk mi a si tiah an chim fawn.

Tu ah hin sibawite nih biatak tein check hlatnak an tuah hna i minung 115 chung ah minung 15 an thi cang. Sibawi thiamsang hna nih an chim ning ah cun Wuhan virus nak hmanh in ttihnung deuh a si tiah an chim. An zawt ning cu an ruahlopi ah khin an tak a rak sa thluahmah tian an chim. Cu zawtnak akai mi minung cu suimilam 48 chung an thi kho tiah sibawite nih cun an chim.

Nigeria ram health minister Osagie Ehanire nih a chim ning ah cun Ebola zawtank he khan cun ai khat lo tiah a chim. An zawt ning cu tu lio kan vawleipi a hnin dihtu Wuhan virus he zong ai khat fawn lo tiah a chim fawn. Mah zawtnak in a zaw mi hna cu an khuasik khi a sang tluahmah i an ruhkhua vialte khi a fak dih pin ah an phing dih fawn tiah theih a si.

Mah lawng hmanh silo in an khuasik a vung sang thluahmah hnu khin an chung nih alek cawlh hna tiah a chim. Health ministerOsgie nih cun Nigerian Centre for Disese Conhtrol (NCDC) nih a ran khawh chung rang in thlopbulnak ding kan tawlrel kan i zuam lai tiah a chim fawn. Kan vawleipi hi thinphan nak lawng tein akhat dih cang.