Khuaruah Har News

Khuahruah har thawngpang relnak!

Tuluk ram virus ichonhbarh ningcang arak thanh tawntu Journalist pakhat cu atlau

Wuhan coronavirus ichonhbarh ningcang le adarh ningcang thawngla theu tawntu upadi mithiam Journalist Chen Qiushi cu atlau tiah SCMP nih alanghter. Beijing ah khuasa mi kum 34 minung Chen cu zawtnak chuahnak hmun Wuhan khuapi ah minung lutchuak kham arak sihlante ah khan arak phan manh cang.

Chen hin kan hnu kum hrawngah khan Hong Kong ah khuasain Democracy duhnaklei tlangtar in post arak tuah theu tawn ruangah Tuluk cozah nihcun an ramchungah an rak kawh. Wuhan khuapi ah nifatin khuasak ning le zawtnak ichonhbarhtu mizaw hna le nurse hna sining cu video thlak in arak tar theu tawntu zong asi.

Mah video chung ah cun nifatintein athimi hna cu Tuluk cozah nih athanhmi nakin alet tampi in an tam deuhnak kong, hmundangte ah chiah an si antinak cu minung umnak in men men asinak kong, sizung antimi hna zongcu lengleiin thircarmi in ansinak kong, mask, riantuantu thazang, ivennak hrukaih le chekhlatnak thilri a zatawk a umlonak konglam a si.

Wuhan ram zawtnak chekhlat tak tak dingah an thazang derthawnnak kong, aliamcia nitlawmpal ah khan Tuluk ram palik hna nihcun a nulepa auh in amah umnak hmun an hal hnuah zarhkhat chungah inah rak kirthan dingah auh dingin an fialnak konglam hna le amah nihcun communist pawlcu atih hnalo pinah Tuluk ram thilcan ning tak tak cu anun chung atarchin nakding konglam hna an itel.

Online hmangin coronavirus konglam arak tar tawntu Chen cu February 7 ni thok khan pehtlaih khawh loin atlau tiah SCMP nihcun arak langhter. Tuni tiangah cun Tuluk ramchungah coronavirus ruangi azawmi minung hna cu 44653 an sii athimi cu mi1113 tiang an sicang tiah theih asi.

Mah zawtnak cu thalcang avan phanh tikah cun zawtnak ichonhbarh ningcu adongh canglai tiah zumh asinak le khualum nihcun zawtnak hrik athah khawhnak konglam cu Donald Trump nih Tuluk ram hruaitu he an ichonhnak konglam chim pahin a chim chih hi asi.

Leave a Reply

Your email address will not be published. Required fields are marked *