Caw congh ah akalmi nu pakhat cu meiin khangh thah asi

Sagaing ramthen Ye– U myone, Enpinyi khua ah cun ramlak ah caw aconghmi nu pakhat cu mei in khangh thah asinak konglam cu Ye-U myoma palik sakhan in theih asi. February 11 ah khan Enpinyi khua in thlanglei kap ah um Yepyapohkone i in pakhat ah ummi U Tin Hla fanu cu ram tangah caw congh dingin a chuak i zanlei caw an rak kir cang hnu zongah arak kir ve tilo tikah cun an rak kawl. Mahti an kawlnak ah cun meikhangh in thah asinak konglam cu an theih hi asi.

Thah atongmi Mah Nila Aye kum 27 cu minung khuasaknak lolak thlam pakhat in furlong 4 tiang ahlatnak caw tlawnnak hmun ah cun caw congh dingah arak kal hi asi. Nain zanlei can ah a caw conghmi hna an rak kirtik zongah arak kirthan vetilo tikah cun khuami hna bawmhnak hmangin kawl arak sii caw arak conghnak hmunah cun meikhangh nak he a thih ko kha an va hmuh tiah Ye- U myoma palik tuanvo ngeitu pakhat nihcun achim.

Mah lainawn nak he pehtlaiin Teteinyan palik sakhan ahcun case hawn arak si. Sualnak tuahtu tlaih khawh asinak ngha dingah palik hna nihcun thazang chuahin an kawl cuahmah lio zong asi. Kan kawlram chung lainawn tam ning hi cu tihnung tuk khi asi. Mah ruangah hin ralringtein kan um peng aherh. Sualnak tuahtu cu tlai kho hram hna sehlaw midang cungah sualnak dang atuah than hlanah tlaimanh hram hna seh.