Hlathlaitu hna nih Wuhan virus cu papalak saei nak in a chuak mi a si an timi hi na zum kho ve maw?

Vawlei cung pumpi thinphang in a chiah dihtu Wuhan virus (coronavirus) arak chuah nak aruang cu Wuhan khuapi chung minung hna eidin leiah thlachiat an ruah lotuk ruangah asinak konglam cu papalak buti an einak video chirhchan in soiselnak an rak tuah.

Wuhan virus cu papalak le rual hna cawhin a chuakmi virus phunkhat asinak kong le mah virus cu papalak ah lawng arak keuh khawhnak konglam cu mithiam hna nih an rak langhter tikah tubantuk soiselnak fakpi arak chuah hi asi.

Silei thiamsang hna nihcun mah bantuk virus konglam hlathlainak tuah anrak daithlan nak konglam an chim pinah minung sinah zeitin dah arak luh( ichonh) khawh timi cu fiangtein an theih rihlo nak konglam hna le mah karlak ah hin thil pakhat pakhat a um khawh nak lam cu an chim.

Mithiam sang hna nih thil si ning hlathlai nak an tuahnak konglam anthanh hnuah minung le papalak hna karlak ah zeitindah mah corona virus cu arak luhkhawh timi cu avideo le hmanthlak pawl hna cu online ah arak darh.

Mah hmanthlak chungah cun papalak sa cu nu pakhat nih a seh(ei) nak cu tar asi pinah video chungah cun papalak buti an dinnak hna cu langhter asi. Wuhan khuapi chung restaurant hna ah cun papalak buti an zuar hna tikah khuami hna nihcun an ei ngaimi thil pakhat ah a hung cang.

Wuhan virus cu papalak in a chuakmi asi timi thawngpang a than hnu bak cun Foreign Ministry zung nihcun vawlei cung hmun dangah a karh chin nak nghalo ram chung papalak hna nih Wuhan leiah an luh khawh nak nghalo kham dingin forhfial nak tiang an rak tuah.