Rakhine ramthen Thandwe district ah cun rili ti nihcun nga tampi tiva kap ah arak chiah

Rakhine ramthen Thandwe district chung um Cingtali beach in Ponengyat beach tiang meng hnih karlak chung ah cun rili tilet nih nga tampi hnacu rili kap ah arak chiah hna tiah theih asi. Mah nga hnacu athicia in arak fenh chuah hna tiah theih asi.

Mahtluk nga tam mi cu khuami hna nih an char cio hna timi cu hmuh khawh asi. Mah konglam he pehtlaiin Cingtali khua chungum minung pakhat Ko Myo Naing U nihcun atanglei bantukin a chim.
“Nga hna cu an tamtuk hna cun an thi hna.

Ti nih arak fenh hna nih mah ka hmun meng hnih meng thum chung hrawng tiangin arak fenh hna. Mah nga hna cu an char lengmang nak cu hmuh khawh asi” tiah Ko Myo Naing U nihcun a chim. Mah nga rili ti nih arak fenhmi hnacu January 29 ni ngatlaitu hna lenin arak chuakmi hna an si tiah Cingtalin myo ngatlaitu phu lutlai U Ko Ko Naing nihcun achim.

“Rili ti nih arak fenh chuah nak hna ruangah athimi an silo. Ngatlaihnak len chung um nga an tamtuk ruangah len nih arak zawh tilo ruangah len arak tehi a chuakmi hna an si. An thih hnuah rili kap arak phanmi an si hna.

Rili kap naihnak ah cun rili tilet atam cang caah rili kap tiang arak chuah nak hi asi. Mah hnacu ngatlaitu hna nih an char than. An mahtein athimi hna cu an si ruam lo. Ngatlaih ning siloin anmah tein athimi hnacu an si ruam lo” tiah a U Ko Ko Naing nihcun a chim.