Mawngtu (Driver) Ngeilo Van I Azuang Kho Mi Texi Cu American Nih Hneksaknak Tlamtling Tein An Tuah Khawh

Kan vawlei cung fimthiamnak cu nikhat hnu nikhat in atthangcho chin lengmang i minung thluak nih zeitin dah a phak khawh ti awk tlak tiang in fimnak a sang cang. Mah chung ah cun vawlei cung ah pa cem dirhmun ah dir mi American ram khi mah bantuk lei ah khin khuaruahhar cem an si.

American Pyitaungsuh nih a vawikhatnak bik mawngtu ( driver) ngeilo Texi van i azuang kho mi an ser khawh cang. Mah an sermi  EHANG 284 Texi cu mipi 100 leng bak nih an hmuh nghan teah van cung bak ah anzuanter. North Carolina transportation lei ah nawl ngeitu hna le mipi 100 fai hna hmai bak ah hneksaknak an ngei.

Mah Texi ah hin minung tthutnak lawng nak ding in an ser mi le transportation hrang ah ahlei cein an ser mi a si. North Carolina transportation minister Jim Trogdon nih The News & Observer sin ah a chimmi cu, mah mawngtu ngeilo Texi kan ser hnawhchan cem cu trasportation lei ah harsatnak kan ngeih lo nak ding ah kan ser mi a si tiah a chim.

Mah sertu company nih cun mawngtu ngeilo Texi cu minung tampi an hman khawh cawlhnak ding ah timhlamhnak an ngeihnak kong cu an chim phuan. Ehang tiah min an pekmi mawngtu ngeilo a sertu Derrick Xiong company hna nih cun amwngtu ngeilo EHANG 284 Texi an ser mi cu Europe, Russia le nichuahlei ram tampi hna ah tehte piah ding in timhlamhnak an ngei nak kong cu an chim phuan.

American thiamnak hi cu kan lai thluak iv un ruah ah khin cun hruhnak ding khin a um. Minung fa nih zeitin dah an ser khawh ti ding mi khuaruahhar hriamnak phun tampi a ser khotu cu American hi an rak si ko. Vawlei ram tampi nih rak ttihlo awk hrim khi anrak tthan lo.