Hringtu A Nule Pa An Phumnak Thlanmual Ah Kal In Nu Nu Pa Pa Tiah A Autu Nghakchia pate

Zeibantuk minung paoh, ni nikhat khat ah cun kan duh zawng duhlo zawng ah kan thi te lai. Cu cu kan Bible nih a chim mi bia zawng a si fawn. Minung nih kan duhlo cemmi cu taksa thihnak hi a sii, cu ka duhlo cemmi taksa thihnak cu mi zei hmanh nih kan hrial kho fawn lo.

Mah caah cun chungkhar tampi ah hringtu nule pa cheukhat cu an dawttukmi an fanu fapa le thihtak hmanh an cutzat hlan ah a thih takmi tampi an um. Ngakttah awk tlak lo mi fanu fapa tampi cu thihnak ruang ah ngakttah khawawng tawnglo in an um phah tawn.

Malaysai ram ah kum hnih nghakchia pate pakhat cu hringtu a nule pa mawtaw accident nak ruangah an pahnih tein an nunnak a liam. Mah fapa te kum hnih minung te nih cun nunu papa tiah a auh len ko hna nain zei hmanh chawnh a tawng ti lo. Mithi cangmi ruak cu chiah peng awk a tthat lo caah an pahnih cun vawlei tangah an ruak cu an vui hna.

Hringtu a nu le pa cu vawlei tangah phum cang ko hna hmanh sehlaw an fapa kum hnih minung te nih cun a nu le pa an um ti lo a vun theih in a ngai tuk hna i an thlan ah a pa nu a pi he cun an kal in nunu papa tiah mitthli he a auh lengmang hna. Mah thil cangmi cu api nih facebook cahmai ah arak post hi a si.

APi nih a chim ning ah cun a tupa te cu inn ah ttinpi hmanh a duh ti lo a ttap lengmang tiah a chim. An tlan kam teah cun an thlan vawr vawlei te khin lente aicelh lengmang pah khin nunu papa hmailei ah vawikhat tal cu kan ni tawng tthan te hna (Arfan) tiah mitthli he cun a ttap lengmang.