Ting 800 renglo man sui hrukbuin Myanmar Idol Grand Final ah akaitu Phyo Phyo Kyaw Thein

Myanmar Idol Season 4 ah Judge pakhat asimi Phyo Phyo Kyaw Thein cu Myanmar Idol Grand Final ah sui tikal sawmnga hlei hrukbuin puai azawh tiah theih asi. Phyo Phyo Kyaw Thein nih arak ihrukmi sui luchin, taisawm, kutkhih le hnatonh tibantuk hna kha Wintshwe timi sui zuarnak dawrin an rak bawmhmi asi i adihlak man ahcun ting 800 renglo asi tiah theih asi.

Hlasakthiam minthang pakhat asimi Phyo Phyo Kyaw Thein cu Myanmar Idol zuamnak an tuah fatintein designer pawl nih design phun phun in an tuahmi fashion hna arak ihruk tawntu zong asi. Zarhchiartein mitampi nih zeibantuk design hmangin dah arak langh than ngha tiah an rak cuanh tawnmi Phyo Phyo Kyaw Thein cu tutan Myanmar Idol zuamnak ah mitampi mitla khotu bik pakhat asi.

Phyo Phyo Kyaw Thein cu amah thapetu hna le amah tanhtu hna nih min dang dang an phuah piak theu tawn i mahticun an kawhauh tawntikah arak ilawm khotuk tawn tiah theih asi. Tutan zongah cheukhat minung hna nihcun min pakhat an rak phuah piak than mi aum. Mah cu cu Yadana Kyaw Thein ti asi. Tutan an phuahpiak mi min zong hi arak lawmh rih ko laimaw ticu theih asilo.

Myanmar Idol ah mipi lungthin alakho cemtu Judge Phyo Phyo Kyaw Thein nih Grand Final zan i sui aahrukmi khi cu kan lailang minung vialte rianttuan lo in kum khat cu akan cawm khawh hrim hrim lai. Hawi nih mah tluk tam sui anni hruk lio ah kan laimi cu pakhat suitthi ka ni awih ahcun chonhngamlo ding phun khin kan um.