Khuaruah Har News

Khuahruah har thawngpang relnak!

Yangon Ah Kangmei A Chuak Inn (100) Leng A Kang Dih

Kawlram khualipi Yangon, Suipita myone ah kangmei a chuak i inn (100) a kang dih tiah thawng theih a si. Nawl ngeitu hna nih cun mahka sang ah hin inn zeidah set dah a um tihmi cu an theih khawh rih lo caah hlathlainak an tuah cuahmah lio a si.

Yangon ramtthen, Suipita myone sang (18) nak ah a ummi, Saihkanta tihmi lam ah tuni November 21 chun nazi 12:40 pm ah khan kangmei a chuah hi a si. Mah kangmei chuahnak hmun hma ah cun Level 1 mitat phu tampi nih an zuam hnawh i 12:50pm ah kangmei hi cu an hmih khawh tthan tiah theih a si.

Ramri lonh in an sakmi thlam in kangme ai thawk hi a sii, mah ti cun inn khat hnu inn khat in a tlaih lengmang i, tu tiang ah hin inn 120 hrawng a kang cang tiah nawl ngeitu lei nih an chim. Tu tiang ah hin inn zeizah set a kangh tihmi cu an theih khawh rih lo caah mitat phu hna nih hlathlainak an tuah nak kong cu Duwun sin ah an chim.

Mah kangmei chuakmi hi nazi cheu chung hrawng a si ko nain a fah ngai caah mah vialte inn a kanghnak a si. Mitat phu Level 2 hna nih cun heh tiah an zuan hnawh ko nain zanlei nazi 1:27pm ah ceu ah ttha tein an hmih khawh tiah theih a si.

Zei ruang ah dah kangmei a chuah tihmi cu biafiang an theih khawh rih lo caah nawl ngeitu hna nih hlathlainak an tuah cuahmah lio pi asi. Caan rau lo teah zei ruangah dah kangmei a chuah tihmi le zeizah set dah inn kangmi a si tihmi cu kan vun langhter tthan te lai.

Leave a Reply

Your email address will not be published. Required fields are marked *