Khuaruah Har News

Khuahruah har thawngpang relnak!

Brandon Vera Nih Aung La He An Ni Tthuatnak Dingah A Lungput Fiang Tein A Chim

Tu lio kan vawleipi a hnin dihtu Vera le Aung La cu kan theih cio bang in a hlan ah cun saya pakhat kuttang ah training a rak kai tti mi le a rak i daw ngai mi an rak si. Mah tluk ai daw mi an si ko nain Vera nih a singkhaw caah october 13 ah khin Japan ram ah an ni tthua cang lai.

Mah an ni tthuatnak ding he pehtlai in Vera nih a lungput fiang tein a rak langhter. Vera nih a chim mi bia cu Aung La he i tthuat hrim hrim hi kai tinhmi cu a si lo, si nain a kut cung ah champion taisawm um mi ka duh ruangah ka singkhaw mi tu khi a si tiah a chim.

Vera nih a chim tthan mi cu burmese python Aung La he i tthuat hi ka duh tuk ruangah si lo in tu ah hin champion dirhmun ah a dir mi ruangah ka singkhaw nak a si. Mah caah hi puai hi dawtnak le huat nak tiang in a chuak kho mi puai a si tiah a chim tthan. Lente ka celh pi mi hna lak ah hin Aung La cu thlahrang pakhat bantuk a si.

Ka tthuatpi ding mi Aung La cu ttihnung tak tak mi zawng a si. A mah cu a ttha tak takmi fighter pakhat a si fawn. Boxing thongh nak puai paoh ah nikhat hnu nikhat in a ttha chin lengmang mipa a si fawn. Boxing lei a thiam ngai mi a si caah ka thonghpi mi fighter lak ah cun ttihnung cem mi a si tiah Vera nih cun fiang hlang tein a chim fawn.

Aung La cu lungthin ttha tak tak mi le mi cung ah dawtnak a ngei zungzal mi pa a si caah vawleipi tiang nih an uar khunnak le thazang an pek khunnak cu a si tiah Vera nih Aung La thangtthatnak bia cu a chim. Vera biachim ning ruah tik ah tlawmpal cu a zam deuh mi hna khi a lo ngai.

Leave a Reply

Your email address will not be published. Required fields are marked *