Khuaruah Har News

Khuahruah har thawngpang relnak!

Daw Aung San Su Kyi Miko Tlang Laser light Ton Khi Tlerhkhonh Nak A Si Ngha Maw?

Tu lio kawl ram mipi lungthin a la kho tak tak tu thil pakhat cu Bochok Aung San suzksin zaih nak ding kawng kau khi a si. Mah zuksin zaih nak ding ahcun kawl ram minta vialte lak ah tuchunni tiang mipi nih thazang an pek mi le an uar tak tak mi Lu Min tawlreknak tuah ding a si.

Mah zuksin puai ah cun Bochok Aung San fanu Daw Aung San Su Kyi le kawl ram hruitu lu tlai tampi an kal kho. Mah puai an kal ni ah Daw Aung San Su Kyi mitko tlang ah laser light ton ruangah minung tampi cu lungrethei ngai in an um. A ruang cu hrocer, tlerhkhonh nak hna a si sual ngha maw ti an ruah ruangah a si.

Cheu khat nih an chim mi cu mah ‘laser light ton’ khi projector mei nih a kah mi hna a si kho ve ko tiah a chimtu zawng cu an um ve. Mah a si lo hmanh camera meiceu mi nih a kah ruangah a cangmi zawng a si kho tiah a ti tawl zawng cu an um ve fawn. Hmanh sehlaw a hmutu paoh cu lungrethei ngai in a tuah dih hna.

Cheu khat nih an chim tthan rihmi cu, mah laser light ton khi sniper laser light hna a si sual ah cun ttihnung taktak khi a si tiah an chim fawn. Mi tampi lungrethei in an um nak a ruang cu a ra lai mi 2020 hmai kum cu kawl ram thim nak tuah a si lai caah mi tampi lungrethi in an um khun nak cu a si.

Zei bantuk thil hmanh khi va si ko sehlaw tleicia a pa Bochok Aung san an rak thah ning an vun ruah tik ah khin mipi lungrethei in an um khunnak a si. Mah bantuk in a mitko tlang i laser light a um mi khi tlerhkhawnh nak maw hrocer nak pakhat khat a si khawh caah Daw Aung San Su Kyi a hmai lei lam tluan cu thinphan dai lo a si.

Leave a Reply

Your email address will not be published. Required fields are marked *