Khuaruah Har News

Khuahruah har thawngpang relnak!

Sibawi Thiam Thiam Hmanh Nih An Damh Khawh Lo Mi Cancer Zawtnak A Kham Khotu Kawpi

Laimi nih fawi tein kan cin khawhmi le kan ei din khawhmi Kawlpi nih hin minung kan caah zei tluk in dah tthat hnemnak a rak chuahter timi hi rak rel ve hmanh. Kawpi le Broccoli tiah auhmi Paan Kawpi  nih khin minung ka paw chungah a ummi kan ril cancer chuahnak a zor ter khawh tiah scientist pawl nih cun an chim.

Kawpi a si mi paoh paoh khi minung kan ril damnak a chuahter timi cu zumh lonak neih ding zong a um bak lo i mi vialte nih a ttha tiah an pomnak le an cohlannak caan zong a sau ko cang. A si nain ril cancer chuahnak tiang a kham khawh timi kong belte cu a hlan ah cun mi tampi nih kan rak thei bal lo.

Tisik anhnah einak nih minung kan ril caah zei bantuk tthat hnemnak dah a chuahter timi kong hi Francis Crick Institute nih biatak tein hlathlainak an tuahmi si i mah ti an tuahnak ah cun zu (mouse) hmang in an tuah bantuk in operation rom chung i minung ril bantuk in an tuahmi hna he zong in an tuah tawn.

Minung nih kan ei dinmi tisik anhnah hna kan paw chung i a maan tik ah khin cancer zawtnak a do kho tu Chemical thilri pawl a chuahter tawn tiah Francis Crick Institute i hlathlainak a tuah tu hna nih cun an chim. Tisik anhnah hi zei ruangah dah tampi kan ei piak a herh timi kong he pehtlai in Cancer Research UK zong nih tampi an ttial ve.

Kan rilpi nih hin rian a ttuanmi tampi hna chungah hin pakhat te a um vemi cu kan takvun aa thlen bantuk in kan rilpi a tlaang vun zong hi aa rak thleng tawn ve. Minung hi rul bantuk in kan vun aa thleng tawn ti tik ah hin cheukhat cu kan khuaruahhhar ngai tawn. A si nain kan kut le kan ke vun te hna aa thlen ning khi rul nih a phaw a thlen bantuk he aa khat bakmi si ko.

Cu tluk in minung kan ngandamnak caah a tthami Kawpi le Paan Kawpi hna hi zei tin dah kan ei piak ah a tthat bik tiah cun kan chumh tik ah hin hmin tuk loin chumh piak ah ttha. Cun Paan Kawpi khi kan kio tik ah hmin tuk le nem tuk loin a hringnawn a singcaw) phun in kio i ei piak ah a ttha bik

Mah ti i kan ril tlaang vun aa thlennak ah hin Kawpi phun a simi hna einak nih a chuah termi dat hi a rak biapi tukmi si ve i um lo a ngah bak lomi a si fawn tiah si kongkau ttial tu Immunity journal nih chun an ttial.

Sui ngun chawva zei tluk tam nei ko hmanh usi law kan ngan dam lo ah cun santlaihnak a rak um lo bantuk in kan ril damnak ding caah a ttha tukmi le kan pawngkam zongah fawi tein kan cawk kan ei khawhmi Kawpi hi tam piin ei piak khawh i zuam hna usih.

Leave a Reply

Your email address will not be published. Required fields are marked *