Khuaruah Har News

Khuahruah har thawngpang relnak!

Caan Raulo Teah Thisen Check Nak In Zeitik Caan Ah Dah Kan Thih Te Lai Tihmi An Theih Khawh Cang Lai

Vawlei cung scientist pawl an thiamnak hi a sang chin lengmang i zumh awk hmanh a har ngai ding tiang khin an thiamnak cu a hung sang cang. Vawlei cung mifim thiam hna nih cun minung kan thisen check nak in zeitik ahdah kan thih te lai tih mi tiang an theih khawh cang lai.

Mifim hna nih nihcun thisen umnak ning vialte kha ttha tein check hlatnak an vun tuah hnu ah tu bantuk bia an chim phuannak cu a si. Nangmah kha tu hnu kum 10 ah an thi lai maw na nung lai tihmi cu theih khawh a si lai lo nain scientist pawl nih hlathlainak an tuah mi hmang in 80% tluk cu theih khawh a si cang lai tiah theih a si.

Mah thisen test nak thar an hmuhmi cu Germany scientist hna nih hlawhtling taktak in an hmuh mi a si. Minung nih zeitik ah dah kan thih te lai tihmi kan theih khawh taktak a si ahcun kan nun remhtu hna a si ngha maw ti hna ruahawk a um ngai mi a si.

Mah thisen test nak thar an hmuhmi cu scientist hna nih an chim ning ah cun minung tampi kan nunnak caah bawmtu an si lai tiah an chim. Mah bantukm thil ruangah hin minung tampi cu hmai lei an nun can ziaza remhnak ah thil ttha taktak a si lai tiah an chim chap fawn.

Mah bantuk thisen test nak thar an hmuh ning cu mah ti hin a si, Max Planck Institute nih cun minung kan nunnak zeidah a lawh lai tihmi theih khawh nak dingah kum 18 in 109 tiang damlo minung 44168 hna hmang in voi 16 bak test nak an ngeih hna nak cu an chim. Mah ti an test nak an ngeih hna chung ah hin damlo mi 5512 an thi.

1997 kum ah Frane miphun damlo mi 76000 nak tam deuh cu an check mi hna chung in damlo mi 1213 an thi tiah theih a si. Kum 5 in 10 karlak chungah 84% an thi tiah an chim. Dr. Joris Deleen nih a chim mi cu thisen test nak thar kan hmuhmi hmang hin zeitikm set ah dah kan thih te lai tihmi ci fiang tein cun theih khawh cu a si lai lo nain minung kan nunnak hi zeitluk in dah a der thawm tihmi cu kan chim khawh cang lai taih a chim.

Leave a Reply

Your email address will not be published. Required fields are marked *