Khuaruah Har News

Khuahruah har thawngpang relnak!

Nau Pawi Lio I Tuah Bak Loh Ding mi Le Nupa Sinak Tuah Tik I Hman Dingmi Hna

Pakhatnak ah cun, rai lio hrim hrim ah zu (beer zawng) din loh ding a si. A ruang cu na fa kha (Fetal Alcahol Synrome) a ngei kho i cu nih cun, amuisam le pumrua a hrawh dih khawh caah a si. Cu lawng si loin nau na chiat khawh i fa a vun chuakmi kha mi tlamtling lomi ah aa cang kho.

A pahnihnak ah cun, si docter le nih ei she tiah a timi a si lomi poh cu ei ter hrim hrim loh ding a si. Mah nih duh paoh i a ttha la tiah na timi si kha na fa pek hrim hrim loh ding a si. Na na pai kawng kha docter le sin ah na chim hrim hrim awk a si.

Pathumnak ah cun, nau na pai lio ah cun kuat na zukawk hrim hrim ding a si lo i, a zu mi le hna kam zawng ah na um la loh. Nau na pai lio i kut na zuk ruang ah khan nan au na chiat khawh I chiat lo zawng si law, na naipai mi a chuah tikah hawi fa a tluk la loh.

A palinak ah cun, kedang sangmi phun hrim hrim na danh awk a si lo. A ruang cu na paw a ngan tikah khan na balance kha cu hlan bantukin naa balance kho ti lo i na tlu sual a si ah cun naute ca lawng si loin nangmah ca zawng ah ttih a nung tuk. Naupawi lio ah nupa sinak tuah a ttha maw?

Pa tampi nih cun an nupi le hna nau an pai tikak cun nupa sinak tuah khawh lo ding ah an ruah tawn cu pin an a paw chung i naute kha a vun ngan deuh tikah cun fahnak an pek sual la tiah an thin a phang cang. Nain, nupa sinak hi naupawi chung vialte zawng ah hin tuah khawh a si.

Cuti a si lio ah cun, na nupi nih a huam maw timi khan a theih piak hmasat a hau. Nu nih nau an pawi tikah hin sex desire a tlau lem lo nain a paw nuam lo i a um can le an taksa fah a tam can caah nupa sinak kha nau an pawi hlan bantukin an tuah kho tuk ti lo.

Bianabia ah mipa nih a rihnak vialte i naute nu paw cung ah a nenh ah cun, nau a chiat khawh pin ah nu caah zawng ttih a nung tuk fawn. Thisen kalna lam zawng a buai ter khawh i naute nenh fak lo ding in position ttha ngeih a hau. Cun, nupa sinak tuah hlan ah thiang tein ttawl hmasat ding a si. Thianghlim te i nupa sinak tuah ah hin naute ca zawng ah ngan a dam khun.

A hlei cia in chul lei i harnak a ngeimi caah hin sex tuah huam lohnak a um tawn. Na chul a ttha lo a si ah cun sex tuah na caah a tthat loh caah docter sin ah i thlop dam hnuah tuah ding a si. Chul tthat loh lio i nupa sinak tuah ah hin nu caah ttih a nung tukmi a si i tuah hrim hrim loh ding.

Leave a Reply

Your email address will not be published. Required fields are marked *