Khuaruah Har News

Khuahruah har thawngpang relnak!

Zang An Fak Kho Tuk E! Khrihfi Inchungkhar Pahnih Cu An Umnak Khua In Tthawl An Si

(26 May,2019) Pakistan, Punjab province (Punjan peng), Air Wala Tesil khua-i khrihfa inchungkhar pahnih hna cu Islam cawnpiaknak ngai duh lo, zul duh lo le thurhnawmh tertu ah sual an phawt i, khua an saknak hmun le in le lo chuah tak ding in Muslim le hna nih cun lung nih an den hna i lungrethei ngai ngaih in an umnak thawngpang Christianlines nih cun a chim.

Mislim community hruaitu upa hna nih cun khrihfa inchungkhar pahnih le hna cu loundspeaker nih an in chuah tak ding in an au hnawh len hna i mipi le hna nih cun lung nih an den cawlh hna tiah British Pakistani Christian Association ih cun a phuan.

Nihin ni ah nang le kei cu harsatnal le buaibannak um lo te i, hnangam tak tak i Pathian kan thang tthat khawh lio can ah hin kan unau zumtu hawi dang le hna cu thihnak kotlang dir bu he Pathian an thang tthat, an in le lo hrawh piak le, an nunnak tiaang lak piak in an um.

Hnangam te le zalawng tein Bawipa kan thang tthat khawhmi hi mi thlawchuahmi le mi van ttha tak takmi kan rak si. Cu caah cun Bawipa thang tthatnak caah can ttha can sunglawi kan ngeihmi hi a laka liam ter sawh hna hlah u sih. A mah thang tthatnak caah hman i zuam chin hna u sih. Kan unau khrih, harnak a inmi chungkhar pahnih caah thla cam piak cio hna u sih.

Leave a Reply

Your email address will not be published. Required fields are marked *